រាជធានីភ្នំពេញ ៖ ក្រោយខកខានប្រារព្ធពិធីបុណ្យចូលឆ្នាំ ប្រពៃណីជាតិខ្មែរ រយៈពេល២ឆ្នាំកន្លងមក ដោយសារជំងឺកូវីដ១៩។
ឥឡូវសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា៖ បានប្រកាសថា៖ នៅឆ្នាំនេះ នឹងមានធីបុណ្យចូល"ឆ្នាំប្រពៃណីខ្មែរ"ឡើងវិញ។
សម្តេចតេជោ ហ៊ុន សែន បានថ្លែងបែបនេះក្នុងពិធីសម្ពោធដាក់ឲ្យប្រើប្រាស់កំណាត់ផ្លូវជាតិលេខ៧ នៅចំណុចរង្វង់មូលខ្លាស្ទុះ ក្រុងក្រចេះ ទៅភូមិរមាត ឃុំអូរគ្រៀង ស្រុកសំបូរ ខេត្តក្រចេះ ប្រវែង៩៣.៥៦គីឡូម៉ែត្រ នាថ្ងៃទី៧ ខែកុម្ភៈ ពីទឹកដីខេត្តក្រចេះ ។
សម្តេចតេជោ ហ៊ុន សែន បានមានប្រសាសន៍ថា ធ្វើយ៉ាងម៉េចកុំឲ្យដើរថយក្រោយ ខានចូលឆ្នាំ២ឆ្នាំហើយ ។
ឥឡូវឆ្នាំនេះ គឺប្ដូរផ្ដាច់ចូលឆ្នាំនាំគ្នារាំលេងសប្បាយទៅ តែរាំឲ្យខ្លាតពីគ្នាបន្តិច កុំពពាក់ពពូនគ្នា ។
សម្ដេចតេជោ៖ បានរំលឹកដល់ប្រជាពលរដ្ឋ មិនត្រូវភ្លេចខ្លួនជាមួយការរក្សាការពារ ដោយអនុវត្តនូវវិធានការ ៣កុំ ៣ការពារ ជាពិសេសបន្តជំរុញយុទ្ធនាការ ចាក់វ៉ាក់សាំងដូសជំរុញ ក៏ដូចជាចាក់ដូសមូលដ្ឋាន ជូនប្រជាពលរដ្ឋ ដើម្បីឲ្យមានភាព ស៊ាំក្នុងសហគមន៍ ។
សម្ដេចបានចរចាទិញវ៉ាក់សាំង sinovac ៥លានដូសពីមិត្តចិន ប៉ុន្តែឯកអគ្គរដ្ឋចិន បានប្រាប់សម្ដេចវិញថា មិនចាំបាច់បញ្ជាទិញនោះទេ គឺចិននឹងផ្ដល់ឲ្យ ។
ជាមួយគ្នានោះដែរ សម្ដេចក៏បានលើកឡើងថា ដោយសារយុទ្ធនាការចាក់ដូសទី៣
ប៉ុន្មានថ្ងៃនេះចំនួនវ៉ាក់សាំងនៅក្នុងឃ្លាំងបានចុះមកនៅត្រឹម៨,៨លានដូស ដូច្នេះត្រូវបំពេញនៅក្នុងឆមាសទី១ នេះ ទាំង៨លានដូសដែលកម្ពុជាបញ្ជាទិញ៣លានដូស និងមិត្តចិនផ្ដល់ឲ្យ៥លានដូស ។
សម្ដេចតេជោ បន្ថែមថា៖ មានបងប្អូនខ្លះបានលើកយោបល់មកសម្ដេចថា ពលរដ្ឋចាក់ដូសមូលដ្ឋានហើយពេលចាក់ដូសទី៣ គួរតែយកប្រាក់ ។
ប៉ុន្តែសម្ដេចថា សម្រាប់ប្រជាពលរដ្ឋកម្ពុជា គឺចាក់ឲ្យដោយមិនយកប្រាក់ឡើយ ហើយបើសិនជាយកមកក៏កម្ពុជាមិនក្លាយទៅជាអ្នកមានដែរ ។
សម្ដេចតេជោ ខ្ញុំមិនធ្វើជានាយទាហានដែលឲ្យទាហានចូលប្រយុទ្ធដោយគ្មានអាវុធ និងគ្រាប់នោះទេ ។
ខ្ញុំត្រូវឲ្យពេទ្យរបស់យើងទាំងអស់មានមធ្យោបាយគ្រប់គ្រាន់ក្នុងដៃ ដើម្បីការចាក់វ៉ាក់សាំងក្ដី ឬថ្នាំការពារខ្លួនក្ដី គឺទិញយកមកដាក់រក្សាទុក ។
នេះជាការធានាមួយ ដែលឥឡូវនេះគេទទួលស្គាល់ ពីការខិតខំប្រឹងប្រែងរបស់យើង»។
ជាមួយគ្នានោះ សម្ដេចក៏បានអរគុណចំពោះមិត្តចិនដែលជាបង្អែកយុទ្ធសាស្ត្រក្នុងការផ្គត់ផ្គង់វ៉ាក់សាំងសម្រាប់ប្រជាជនកម្ពុជា ។
សម្ដេចអរគុណ ដល់ប្រភពគាំទ្រទាំងឡាយ ដែលបានផ្ដល់វ៉ាក់សាំងមកដល់កម្ពុជា មានជប៉ុន សហរដ្ឋអាមេរិក អង់គ្លេស ហូឡង់ ប៉ូឡូញ អូស្ត្រាលី តែប្រភពដែលយើងនៅត្រូវការបន្ត គឺប្រភពដែលយកពីចិន ។
សម្ដេចតេជោ ក៏បានសុំឲ្យភាគីពាក់ព័ន្ធ ខិតខំរួមគ្នាជំរុញ ដើម្បីបង្កើតមូលដ្ឋានផលិតវ៉ាក់សាំងនៅកម្ពុជា ដែលបាននិយាយគ្នារួចហើយ ៕
រាជធានីភ្នំពេញ ៖ ក្រោយខកខានប្រារព្ធពិធីបុណ្យចូលឆ្នាំ ប្រពៃណីជាតិខ្មែរ រយៈពេល២ឆ្នាំកន្លងមក ដោយសារជំងឺកូវីដ១៩។
ឥឡូវសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា៖ បានប្រកាសថា៖ នៅឆ្នាំនេះ នឹងមានធីបុណ្យចូល"ឆ្នាំប្រពៃណីខ្មែរ"ឡើងវិញ។
សម្តេចតេជោ ហ៊ុន សែន បានថ្លែងបែបនេះក្នុងពិធីសម្ពោធដាក់ឲ្យប្រើប្រាស់កំណាត់ផ្លូវជាតិលេខ៧ នៅចំណុចរង្វង់មូលខ្លាស្ទុះ ក្រុងក្រចេះ ទៅភូមិរមាត ឃុំអូរគ្រៀង ស្រុកសំបូរ ខេត្តក្រចេះ ប្រវែង៩៣.៥៦គីឡូម៉ែត្រ នាថ្ងៃទី៧ ខែកុម្ភៈ ពីទឹកដីខេត្តក្រចេះ ។
សម្តេចតេជោ ហ៊ុន សែន បានមានប្រសាសន៍ថា ធ្វើយ៉ាងម៉េចកុំឲ្យដើរថយក្រោយ ខានចូលឆ្នាំ២ឆ្នាំហើយ ។
ឥឡូវឆ្នាំនេះ គឺប្ដូរផ្ដាច់ចូលឆ្នាំនាំគ្នារាំលេងសប្បាយទៅ តែរាំឲ្យខ្លាតពីគ្នាបន្តិច កុំពពាក់ពពូនគ្នា ។
សម្ដេចតេជោ៖ បានរំលឹកដល់ប្រជាពលរដ្ឋ មិនត្រូវភ្លេចខ្លួនជាមួយការរក្សាការពារ ដោយអនុវត្តនូវវិធានការ ៣កុំ ៣ការពារ ជាពិសេសបន្តជំរុញយុទ្ធនាការ ចាក់វ៉ាក់សាំងដូសជំរុញ ក៏ដូចជាចាក់ដូសមូលដ្ឋាន ជូនប្រជាពលរដ្ឋ ដើម្បីឲ្យមានភាព ស៊ាំក្នុងសហគមន៍ ។
សម្ដេចបានចរចាទិញវ៉ាក់សាំង sinovac ៥លានដូសពីមិត្តចិន ប៉ុន្តែឯកអគ្គរដ្ឋចិន បានប្រាប់សម្ដេចវិញថា មិនចាំបាច់បញ្ជាទិញនោះទេ គឺចិននឹងផ្ដល់ឲ្យ ។
ជាមួយគ្នានោះដែរ សម្ដេចក៏បានលើកឡើងថា ដោយសារយុទ្ធនាការចាក់ដូសទី៣
ប៉ុន្មានថ្ងៃនេះចំនួនវ៉ាក់សាំងនៅក្នុងឃ្លាំងបានចុះមកនៅត្រឹម៨,៨លានដូស ដូច្នេះត្រូវបំពេញនៅក្នុងឆមាសទី១ នេះ ទាំង៨លានដូសដែលកម្ពុជាបញ្ជាទិញ៣លានដូស និងមិត្តចិនផ្ដល់ឲ្យ៥លានដូស ។
សម្ដេចតេជោ បន្ថែមថា៖ មានបងប្អូនខ្លះបានលើកយោបល់មកសម្ដេចថា ពលរដ្ឋចាក់ដូសមូលដ្ឋានហើយពេលចាក់ដូសទី៣ គួរតែយកប្រាក់ ។
ប៉ុន្តែសម្ដេចថា សម្រាប់ប្រជាពលរដ្ឋកម្ពុជា គឺចាក់ឲ្យដោយមិនយកប្រាក់ឡើយ ហើយបើសិនជាយកមកក៏កម្ពុជាមិនក្លាយទៅជាអ្នកមានដែរ ។
សម្ដេចតេជោ ខ្ញុំមិនធ្វើជានាយទាហានដែលឲ្យទាហានចូលប្រយុទ្ធដោយគ្មានអាវុធ និងគ្រាប់នោះទេ ។
ខ្ញុំត្រូវឲ្យពេទ្យរបស់យើងទាំងអស់មានមធ្យោបាយគ្រប់គ្រាន់ក្នុងដៃ ដើម្បីការចាក់វ៉ាក់សាំងក្ដី ឬថ្នាំការពារខ្លួនក្ដី គឺទិញយកមកដាក់រក្សាទុក ។
នេះជាការធានាមួយ ដែលឥឡូវនេះគេទទួលស្គាល់ ពីការខិតខំប្រឹងប្រែងរបស់យើង»។
ជាមួយគ្នានោះ សម្ដេចក៏បានអរគុណចំពោះមិត្តចិនដែលជាបង្អែកយុទ្ធសាស្ត្រក្នុងការផ្គត់ផ្គង់វ៉ាក់សាំងសម្រាប់ប្រជាជនកម្ពុជា ។
សម្ដេចអរគុណ ដល់ប្រភពគាំទ្រទាំងឡាយ ដែលបានផ្ដល់វ៉ាក់សាំងមកដល់កម្ពុជា មានជប៉ុន សហរដ្ឋអាមេរិក អង់គ្លេស ហូឡង់ ប៉ូឡូញ អូស្ត្រាលី តែប្រភពដែលយើងនៅត្រូវការបន្ត គឺប្រភពដែលយកពីចិន ។
សម្ដេចតេជោ ក៏បានសុំឲ្យភាគីពាក់ព័ន្ធ ខិតខំរួមគ្នាជំរុញ ដើម្បីបង្កើតមូលដ្ឋានផលិតវ៉ាក់សាំងនៅកម្ពុជា ដែលបាននិយាយគ្នារួចហើយ ៕
0 comments:
Post a Comment