តើមន្ត្រីសមត្ថកិច្ចមានដឹងទេថាទីតាំងហាងលក់បាយខាងលើនេះ មានបង្កប់លក់សត្វព្រៃ ដែលស្ថិតនៅខណ្ឌដង្កោ ក្នុងបុរីពិភពថ្មីគួរស្រូវ ៣..!!!

  {រាជធានីភ្នំពេញ} ÷ {19/11/2023} 🤔 ប្រជាពលរដ្ឋបានរាយការណ៍ជូនមកអង្គភាពសារព័ត៌មានយើងថា មានទីតាំងហាង លក់បាយមួយកន្លែងនៅក្នុងបុរីពិភពថ្មីគួរស្រូវ៣ មានលក់សត្វព្រៃខុសច្បាប់ ដោយមើលពីមុខ លក់បាយម្ហូបជាធម្មតាទេ! តែទីតាំងខាងលើនេះ មានលក់សាច់សត្វព្រៃ ហាក់បីដូចជា គ្មានញញើត អាជ្ញាធរពាក់ព័ន្ធបន្តិចសោះ នេះបើតាមការរាយការណ៍ពីប្រជាពលរដ្ឋនៅទីនោះបានលើកឡើងថា; មានលក់សត្វព្រៃដូចជា សាច់ឈ្លូស សាច់កាំប្រមា សាច់ជ្រូកព្រៃ....។ល។ ស្ថិតនៅក្នុងបុរីពិភពថ្មីគួរស្រូវ៣ ក្នុងសង្កាត់រលួស ខណ្ឌដង្កោ រាជធានីភ្នំពេញ ។

ប្រជាពលរដ្ឋបានរាយការណ៍មកអង្គភាពសារព័ត៌មានយើងថា; ទីតាំងនេះគាត់លក់ច្រើនឆ្នាំហើយ....មិនដែលមានមន្ត្រីពាក់ព័ន្ធណាចុះមកទេ! មានតែមកហូបនិងជាមន្ត្រីក្នុងមូលដ្ឋានក៏មានដែរ។ អញ្ចឹងម្ចាស់ហាងថាមិនមានអ្នកណាហ៊ានចាប់គាត់ទេ!! ថាគាត់ចង់បើក បើកហើយ.... នេះតាមការបញ្ជាក់របស់ម្ចាស់ហាងផ្ទាល់។

អង្គភាពយើងរង់ចាំ ការបំភ្លឺពីសំណាក់សមត្ថកិច្ចពាក់ព័ន្ធរាល់ម៉ោងធ្វើការ។ សូមអរគុណ!