ខឹងម្តាយខាងស្រីបំបែកបំបាក់ ! បុរសម្នាក់ផ្ញើវិដេអូអាសអាភាស​ឲ្យទៅ​ម្តាយខាងស្រីជាការគំរាម តែត្រូវសមត្ថកិច្ចចាប់ខ្លួន

ខឹងម្តាយខាងស្រីបំបែកបំបាក់ ! បុរសម្នាក់ផ្ញើវិដេអូអាសអាភាស​ឲ្យទៅ​ម្តាយខាងស្រីជាការគំរាម តែត្រូវសមត្ថកិច្ចចាប់ខ្លួន

{ភ្នំពេញ} ៖ បុរសម្នាក់ខឹងម្តាយខាងស្រីហាមមិនឲ្យទាក់ទងជាមួយខ្លួន បែរជាគំរាមចែកចាយរូបភាពវីដេដែលខ្លួនបានរួមភេទជាមួយខាងស្រីបង្ហោះលើបណ្តាញសង្គម តែត្រូវបានម្តាយខាងស្រីប្តឹង ហើយត្រូវបានសមត្ថកិច្ចឃាត់ខ្លួនកាលពីយប់ថ្ងៃទី២៦ ខែឧសភា ឆ្នាំ២០២៥ នៅក្រុងតាខ្មៅ ខេត្តកណ្តាល ។

ជនរងគ្រោះ អាយុ១៧ឆ្នាំ មុខរបរនៅផ្ទះ នៅខេត្តកណ្តាល ។ ចំណែកជនសង្ស័យ មានឈ្មោះ មៀន ឆែមសុឃាង ភេទប្រុស អាយុ២១ឆ្នាំ មុខរបរបុគ្គលិកក្រុមហ៊ុន នៅខណ្ឌច្បារអំពៅ រាជធានីភ្នំពេញ ។ ក្នុងនោះសមត្ថកិច្ចដកហូតបានវត្ថុតាងរួមមាន ៖ ទូរស័ព្ទដៃចំនួន០១គ្រឿង ។

មុនពេលកើតហេតុ ចាប់តាំងពីឆ្នាំ២០២២មក ជនសង្ស័យ និងជនរងគ្រោះត្រូវជាសង្សារនឹងគ្នា ហើយធ្លាប់បានរួមមេត្រីជាមួយគ្នាជាញឹកញាប់ នៅផ្ទះសំណាក់ ដោយនៅពេលដេកជា មួយគ្នាម្តងៗ ជនសង្ស័យតែងតែលួចថតវីដេអូឃ្លីបទុកមើលទៀតផង។ លុះក្រោយមកក៏បានដឹងរឿងនេះដល់ម្តាយជនរងគ្រោះ ហើយគាត់បានហាមអ្នកទាំង២មិនឲ្យជួបគ្នានោះទេ ។ លុះមកដល់ថ្ងៃទី២១ ខែឧសភា ឆ្នាំ២០២៥ វេលាម៉ោង០៨និង៥០នាទីយប់ ជនសង្ស័យក៏បានបាញ់រូបភាពវីដេអូឃ្លីបដែលធ្លាប់ដេកជាមួយគ្នាកន្លងមក តាមតេឡេក្រាមចូលទៅក្នុងទូរស័ព្ទរបស់ម្តាយជនរងគ្រោះ ហើយបាននិយាយគំរាមទៅម្តាយជនរងគ្រោះថា បើសិនជាម្តាយជនរងគ្រោះបំបែកបំបាក់ ជនរងគ្រោះមិនឲ្យជួប នឹងជនសង្ស័យ ជនសង្ស័យនឹងបង្ហោះវីដេអូឃ្លីបនេះជាមួយជនរងគ្រោះចូលក្នុងបណ្តាញសង្គម feacebookឲ្យផ្អើលខ្មាស់គេម្តង ។

ដោយទ្រាំនឹងទង្វើរបស់ជនសង្ស័យមិនបាន ម្តាយខាងស្រីក៏បានមកដាក់ពាក្យបណ្តឹងនៅអធិការដ្ឋាននគរបាលក្រុងតាខ្មៅ ដើម្បីឲ្យសមត្ថកិច្ចចុះឃាត់ខ្លួនសង្ស័យ ដើម្បីយកមកសាកសួរតែម្តង ។

ជនសង្ស័យបានសារភាពថា ខ្លួនពិតជាបានដេកជាមួយគ្នាជាមួយជនរងគ្រោះ ហើយយកទូរសព្ទ័លួចថតវីដេអូឃ្លីបទុកមើល និងបានផ្ញើវីដេអូនោះ តាមតេឡេក្រាមទៅម្តាយជនរងគ្រោះ ហើយបាននិយាយគំរាមទៅម្តាយជនរងគ្រោះដូចរៀបរាប់ខាងលើប្រាកដមែន»។

ជនសង្ស័យ ត្រូវបានសមត្ថកិច្ចជំនាញនៃអធិការដ្ឋាននគរបាលក្រុងតាខ្មៅ កំពុងកសាងសំណុំ

បញ្ចូនខ្លួនទៅកាន់តុលាការចាត់ការតាមនីតិវិធី៕