ឯកឧត្តម ហ៊ុន ម៉ានី លើកទឹក ចិត្ត សមាជិក សមាជិកាទាំងអស់ ផ្លាស់ប្ដូរបទពិសោធន៍ លើការងារព័ត៌មាននិងការផ្សព្វផ្សាយមហាជនក្នុងបរិបទឌីជីថល ឱ្យស្របតាមសម័យកាលបច្ចេកវិទ្យា

ភ្នំពេញ ៖ ឯកឧត្តម ហ៊ុន ម៉ានី អគ្គលេខាធិការគណៈចលនា មហាជន បានលើកទឹកចិត្ត សមាជិក សមាជិកាទាំងអស់ ផ្លាស់ប្ដូរបទពិសោធន៍លើការ ងារព័ត៌មាននិងការផ្សព្វផ្សាយ មហាជនក្នុងបរិបទឌីជីថល ឱ្យស្របតាមសម័យកាលបច្ចេកវិទ្យា ដើម្បីចូលរួមលើកកម្ពស់ប្រសិទ្ធភាពការងារឱ្យបានល្អប្រសើរ ។ ក្រោយពីបានស្តាប់នូវរបាយការណ៍អំពីលទ្ធផលនៃក្រុមពិភាក្សានៃសិក្ខាសាលាស្តីពី «ការចែករំលែក និងការផ្លាស់ប្ដូរបទពិសោធន៍លើការងារព័ត៌មាន និងការផ្សព្វផ្សាយមហាជនក្នុងបរិបទឌីជីថល »នៅព្រឹកថ្ងៃទី១៤ ខែសីហា ឆ្នាំ២០២២ នាវិមាន៧មករា ឯកឧត្តម ហ៊ុន ម៉ានី អគ្គ

លេខាធិការគណៈចលនាមហាជន បានវាយតម្លៃខ្ពស់ចំពោះការចូលរួមរបស់សមាជិក សមាជិកា ដែលបានធ្វើការពិភាក្សាយ៉ាងផុលផុសឈានដល់ការឯកភាពជាស្មារតីរួមគ្នា និងផ្តល់ជាធាតុចូលសំខាន់ៗ ជាច្រើនដល់អង្គសិក្ខាសាលាទាំងមូល។ ឯកឧត្តមក៏បានក្រើនរំលឹកនូវបទពិសោធន៍កន្លងមកដែលគណបក្សប្រជាជនបានឆ្លងកាត់ ដោយឯកឧត្តមបានលើកឡើងថា ខណៈយន្តការប្រឆាំងមានការសាកល្បងកម្លាំងសាមគ្គីផ្ទៃក្នុងយើងជាបន្តបន្ទាប់ តែថ្នាក់ដឹកនាំ សមាជិក សមាជិកា និងអង្គការចាត់តាំងគណបក្សប្រជាជននៅតែរឹងមាំ។ ជាមួយគ្នានេះ ក្នុងបរិបទនៃការវិវឌ្ឍជាប្រចាំនៃកិច្ចការ

ព័ត៌មាន និងបច្ចេកវិទ្យា ឯកឧត្តមបានគូសបញ្ជាក់ពីភាពចាំបាច់នៃការធ្វើនយោបាយ ជាពិសេសតាមរយៈការផ្សព្វផ្សាយ ដែលទាមទារការធ្វើជាមួយប្រជាសាស្ត្រផង ភូមិសាស្ត្រផង និងស្របជាមួយបរិបទផង។ ឯកឧត្តមបានលើកទឹកចិត្ត សមាជិក សមាជិកាគណបក្សទាំងអស់ ឱ្យចេះសម្រួច និងស្វែងរកវិធីសាស្ដ្រនៃការរៀបចំខ្លឹមសារពិត ទាក់ទាញ ស្របជាមួយតម្រូវការរបស់ប្រជាជន និងចំក្រុមគោលដៅ ហើយដែលជាព័ត៌មានដែល មានហេតុមានផល មានប្រយោជន៍ដល់ប្រជាពលរដ្ឋតាមមូល

ដ្ឋានរៀងៗខ្លួន។ សូមជម្រាបជូនថា ពិធីបើកសិក្ខាសាលា បានប្រព្រឹត្តិទៅក្រោមអធិបតីភាពដ៏ខ្ពង់ខ្ពស់របស់ លោកជំទាវកិត្តិសង្គហបណ្ឌិត ម៉ែន សំអន ឯពិធីបិទ នឹងប្រព្រឹត្តិទៅក្រោមអធិបតីភាពដ៏ខ្ពង់ខ្ពស់ សម្តេចវិបុលសេនាភក្តី សាយ ឈុំ អនុប្រធានគណបក្សនិងជាប្រធានគណៈប្រចាំការនៃគណៈអចិន្ត្រៃយ៍នៃគណៈកម្មាធិការកណ្តាល គណបក្សប្រជាជនកម្ពុជា៕

(សូមអានបន្ត)

ករណីឆ្លងប្រចាំថ្ងៃនៃជំងឺកូវីដ-១៩ របស់ប្រទេសជប៉ុនកើនឡើងដល់កម្រិតខ្ពស់បំផុតមួយដែលមានចំនួន ២៥០ ៤០៣នាក់

      

 ភ្នំពេញ:ថ្ងៃទី១២ ខែសីហា ឆ្នាំ២០២២ ប្រទេសជប៉ុនបានកត់ត្រាករណីឆ្លងថ្មីប្រចាំថ្ងៃនៃជំងឺកូវីដ-១៩ ចំនួន ២៥០ ៤០៣នាក់កាលពីថ្ងៃពុធ ដែលជាកំណត់ត្រាប្រចាំថ្ងៃខ្ពស់បំផុតមួយ ស្របពេលដែលមានការព្រួយបារម្ភអំពីភាពតានតឹងលើប្រព័ន្ធវេជ្ជសាស្ត្រដោយសាររលកថ្មីនៃជំងឺរាតត្បាតនេះ។

ដោយត្រូវបានជំរុញដោយប្រភេទវ៉ារ៉្យង់រង BA.5 នៃវីរុសបម្លែងថ្មីអូមីក្រុងដែលអាចឆ្លងបានខ្លាំង បានធ្វើឱ្យតួលេខឆ្លងប្រចាំថ្ងៃមានលើសពីកំណត់ត្រាមុនដែលមានចំនួន ២៤៩ ៨៣០នាក់កាលពីថ្ងៃទី៣ ខែសីហា។ ករណីស្លាប់ថ្មីសរុបទាក់ទងនឹងជំងឺកូវីដ-១៩ មានចំនួន ២៥១នាក់ត្រូវបានបញ្ជាក់នៅទូទាំងប្រទេសជប៉ុន។

ក្រសួងសុខាភិបាលរបស់ប្រទេសនេះបាននិយាយថា ចំនួនអ្នកឆ្លងដែលសម្រាកព្យាបាលនៅមន្ទីរពេទ្យដោយសារមានរោគសញ្ញាធ្ងន់ធ្ងរបានកើនឡើងចំនួន ១៦នាក់កាលពីថ្ងៃអង្គារ ដែលធ្វើឱ្យចំនួនសរុបមានដល់ ៥៩៧នាក់ តិចជាងចំនួនខ្ពស់មួយកាលពីរដូវក្តៅមុននៅពេលដែលករណីធ្ងន់ធ្ងរមានលើសពី ២ ០០០នាក់អស់រយៈពេលជាច្រើនសប្តាហ៍។

ខេត្តចំនួន ២០ ក្នុងចំណោមខេត្តចំនួន ៤៧ របស់ប្រទេសជប៉ុន បានកត់ត្រាចំនួនអ្នកឆ្លងថ្មីប្រចាំថ្ងៃ។ រដ្ឋាភិបាលទីក្រុងតូក្យូកាលពីថ្ងៃពុធបានរាយការណ៍ពីករណីឆ្លងថ្មីនៃជំងឺកូវីដ-១៩ ចំនួន ៣៤ ២៤៣នាក់ ខណៈដែលខេត្តអូសាកា និងខេត្តអៃជី បានកត់ត្រាករណីឆ្លងប្រចាំថ្ងៃចំនួន ២៣ ៧៣០នាក់ និង ១៨ ៨៦២នាក់រៀងៗខ្លួន៕(ប្រភព ភីបផលដេលី បកប្រែដោយលោក យា ចិន្តាខន្តី) សម្រួលផ្សាយដោយ៖ dara

(សូមអានបន្ត)

ឯកឧត្តម ឧបនាយករដ្ឋមន្រ្ដី ប្រាក់ សុខុន អញ្ជើញជួបពិភាក្សាទ្វេភាគី ជាមួយរដ្ឋមន្រ្តីការបរទេសចិន នៅមីយ៉ាន់ម៉ា

    

 ឯកឧត្តម ឧបនាយករដ្ឋមន្រ្ដី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ អញ្ជើញជួបពិភាក្សាទ្វេភាគី ជាមួយ ឯកឧត្តម វ៉ាង យី (Wang Yi) ទីប្រឹក្សារដ្ឋ និងជារដ្ឋមន្រ្តីការបរទេស នៃសាធារណរដ្ឋប្រជាមានិតចិន ខណ:ឯកឧត្តមទាំងពីរអញ្ជើញចូលរួមកិច្ចប្រជុំរដ្ឋមន្ត្រីការបរទេសនៃកិច្ចសហប្រតិបត្តិការមេគង្គ-ឡានឆាង លើកទី៧ នៅទីក្រុងបាកាន ប្រទេសមីយ៉ាន់ម៉ា នៅថ្ងៃទី០៣ ខែកក្កដា ឆ្នាំ២០២២។

ភាគីទាំងពីរបានបន្តប្តេជ្ញាចិត្តក្នុងការធ្វើំឱ្យទំនាក់ទំនងទ្វេភាគីរបស់ប្រទេសទាំងពីរកាន់តែស៊ីជម្រៅថែមទៀត ខណៈដែលទំនាក់ទំនងនាពេលបច្ចុប្បន្ននេះកំពុងស្ថិតនៅចំណុចខ្ពស់បំផុត។

រូបថត៖ ក្រសួងការបរទេស

(សូមអានបន្ត)

ព្រឹកនេះសម្តេចតេជោ ហ៊ុន សែន អញ្ជើញប្រគល់សញ្ញាបត្រជូនសិស្សសាលាភូមិន្ទរដ្ឋបាលជាង ២ពាន់នាក់

នៅព្រឹកថ្ងៃទី១៣ ខែមិថុនា ឆ្នាំ២០២២ នេះ សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះ រាជាណាចក្រកម្ពុជា បានអញ្ជើញប្រគល់សញ្ញាបត្រជូនសិស្សសាលាភូមិន្ទរដ្ឋបាលជាង ២ពាន់នាក់ នៅមជ្ឈមណ្ឌលពិពរ័ណ៍ជ្រោយចង្វារ ។ 

 យោងតាមរបាយការណ៍បានឱ្យដឹងថា សិស្សសាលាភូមិន្ទរដ្ឋបាល ដែលបញ្ចប់ការសិក្សាវិជ្ជាជីវៈជាមន្ត្រី និងទទួលសញ្ញា បត្រក្រោមអធិបតីភាពសម្តេចតេជោនៅថ្ងៃនេះ រួមមាន៖ សិស្សកម្មសិក្សាការី និងសិក្ខាកាមសរុប ២,៣៨៨នាក់។ សិស្ស កម្មសិក្សាការី និងសិក្ខាកាម ដែលបញ្ចប់ការសិក្សារួមមាន៖ កម្មសិក្សាការីមន្ត្រីជាន់ខ្ពស់ឆ្នាំ២០២០ ចំនួន ១០៦ នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២០ ចំនួន ១៦៤នាក់, កម្មសិក្សាការីមន្ត្រីមធ្យមឆ្នាំ២០២០ ចំនួន ៣៩នាក់, កម្មសិក្សាការីមន្ត្រីក្រមការឆ្នាំ២០២០ ចំនួន ៤៣នាក់, សិស្សមន្ត្រីជាន់ខ្ពស់ជំនាន់ទី១១ ចំនួន ៩១នាក់, សិស្សមន្ត្រីក្រមការជំនាន់ទី៩ ចំនួន ១២១នាក់, កម្មសិក្សាការីមន្ត្រីជាន់ខ្ពស់ឆ្នាំ២០២១ ចំនួន ១៥១ នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ២០២១ ចំនួន ៥៣៤នាក់, កម្មសិក្សាការីមន្ត្រីមធ្យមឆ្នាំ២០២១ ចំនួន

 ៩០នាក់, កម្ម សិក្សាការីមន្ត្រីក្រមការឆ្នាំ២០២១ ចំនួន ៨៨នាក់, សិស្សមន្ត្រីជាន់ខ្ពស់ជំនាន់ទី១២ ចំនួន ៩៣នាក់, កម្មសិក្សាការីមន្ត្រីជាន់ខ្ពស់ឆ្នាំ២០២២ ចំនួន ១៦១នាក់, កម្មសិក្សាការីមន្ត្រីគ្រប់គ្រងរដ្ឋបាលឆ្នាំ ២០២២ ចំនួន ៩៤នាក់, កម្មសិក្សាការីមន្ត្រីមធ្យមឆ្នាំ២០២២ ចំនួន ២៨០នាក់, កម្មសិក្សាការីមន្ត្រីក្រមការឆ្នាំ២០២២ ចំនួន ២៧នាក់, សិក្ខាកាមវគ្គភាជាអ្នក ដឹកនាំ និងនវានុវត្តន៍វគ្គទី១ ចំនួន ១៤៦ នាក់ និងសិក្ខាកាមវគ្គភាពជាអ្នកដឹកនាំ និងនវានុវត្តន៍វគ្គទី២ ចំនួន ១៦០នាក់។ 

 សាលាភូមិន្ទរដ្ឋបាល គឺជាសាលាបណ្តុះ បណ្តាលវិជ្ជាជីវៈជូនដល់មន្ត្រីរាជការ។ សាលាភូមិន្ទរដ្ឋបាល បានបើកដំណើរការឡើងវិញនៅក្នុងឆ្នាំ១៩៩២។ ចាប់តាំងពីឆ្នាំ១៩៩២ មកដល់ពេលបច្ចុប្បន្នសាលាភូមិន្ទរដ្ឋបាល បណ្តុះបណ្តាលសិស្សបានចំនួន ១៦,៦០៦នាក់ ក្នុងនោះមាននារី ៣,៨០៧នាក់ ស្មើនឹង ២៣ភាគរយ៕

(សូមអានបន្ត)

ឯកឧត្តមគួច ចំរើន បានអញ្ជើញដាក់ឱ្យដំណើរការបណ្ដោះអាសន្ននូវអគារតេជោ ព្យាបាលជំងឺកូវីដ-១៩ នៅក្នុងបរិវេណមន្ទីរពេទ្យបង្អែកខេត្ត

 

(ព្រះសីហនុ)៖ ថ្ងៃទី០២ ខែមិថុនា ឆ្នាំ២០២២ អគារតេជោព្យាបាលជំងឺកូវីដ-១៩ បានដាក់ឱ្យប្រើប្រាស់ជាបណ្តោះអាសន្ន ក្រោមអធិបតីភាពឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ ដោយមានការចូលរួមពីលោកអភិបាលរងខេត្ត លោកអភិបាលក្រុងព្រះសីហនុ និងក្រុមគ្រូពេទ្យ ស្ថិតនៅក្នុងបរិវេណមន្ទីរពេទ្យបង្អែកខេត្តព្រះសីហនុ មានទីតាំងស្ថិតក្នុងភូមិ៤ សង្កាត់លេខ៤ ក្រុងព្រះសីហនុ នារសៀលថ្ងៃ២កើត ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃពុធ ទី០១ ខែមិថុនា ឆ្នាំ២០២២។

អគារតេជោព្យាបាលជំងឺកូវីដ-១៩ ខេត្តព្រះសីហនុ មានកម្ពស់ ០១ជាន់ ធ្វើគ្រឹះសសរបេតុង ដំបូលប្រក់ស័ង្កសី នៅក្នុងបរិវេណមន្ទីរពេទ្យបង្អែកខេត្តព្រះសីហនុ មានទទឹង៣៣,៤ម៉ែត្រ បណ្តោយ ៩០,៦ម៉ែត្រ អាចដាក់បានគ្រែសរុប ២២៩គ្រែ ក្នុងនោះគ្រែអ្នកជំងឺស្រាល ១៤៣គ្រែ អ្នកជំងឺធ្ងន់ ៥៧គ្រែ និងសង្រ្គោះបន្ទាន់ ២៩គ្រែ។

ក្នុងឱកាសចុះពិនិត្យ និងប្រគល់អគារតេជោព្យាបាលជំងឺកូវីដ-១៩ និងការពិនិត្យហេដ្ឋារចនាសម្ព័ន្ធ ក្នុងមន្ទីរពេទ្យបង្អែកខេត្ត ឯកឧត្តម គួច ចំរើន ក៏បានធ្វើការប្រគល់អគារតេជោព្យាបាលជំងឺកូវីដ-១៩ ដល់មន្ទីរសុខាភិបាល ដើម្បីប្រើប្រាស់ជាប្រយោជន៍រួម ក្នុងការពិនិត្យព្យាបាលជំងឺជូនប្រជាពលរដ្ឋ ដោយមិនប្រកាន់ ទោះបីបងប្អូនប្រជាពលរដ្ឋក្រីក្រ ឬអ្នកមានក៏អាចចូលមកទទួលសេវាសុខាភិបាលព្យាបាលបានដូចគ្នា។ ដោយសារតែអគារកន្លងមកនៅពេលមានអ្នកជំងឺចូលមកច្រើន មិនមានគ្រែសម្រាប់ទទួលអ្នកជំងឺ បណ្តាលឱ្យអ្នកជំងឺខ្លះអាចដេកនៅតាមផ្លូវដើរ ហើយម្យ៉ាងទៀតដោយសារស្ថានភាពជំងឺកូវីដ-១៩ នៅខេត្តព្រះសីហនុ និងនៅព្រះរាជាណាចក្រកម្ពុជា មិនមានការឆ្លងរយៈពេលជិតមួយខែមកនេះ ទើបយើងយកអគារនេះមកព្យាបាលជំងឺជូនប្រជាពលរដ្ឋរបស់យើង ទោះបីជំងឺកូវីដ-១៩មិនមានការឆ្លងក៏ដោយ ក៏យើងទាំងអស់គ្នាមិនត្រូវធ្វេសប្រហែសនោះឡើយ។ អគារតេជោនេះ មានបន្ទប់ធំទូលាយ មានបំពាក់នូវឧបករណ៍ជំនួយដង្ហើម សម្រាប់ជួយសង្គ្រោះអាយុជីវិតអ្នកជំងឺ និងមានលក្ខណៈទំនើបទាន់សម័យ។

ឯកឧត្តម អភិបាលខេត្តសង្ឃឹមថា ក្រោយពីដាក់ឱ្យដំណើរការអគារតេជោ ព្យាបាលជំងឺកូវីដ-១៩ ប្រជាពលរដ្ឋខេត្តព្រះសីហនុ នឹងមកទទួលសេវាសុខាភិបាល នៅមន្ទីរពេទ្យបង្អែកចម្ការចេករបស់យើង កាន់តែច្រើនបន្ថែមទៀត។ ទន្ទឹមនោះឯកឧត្តម ក៏បានណែនាំក្រុមគ្រូពេទ្យត្រូវតែខិតខំ ជួយពិនិត្យព្យាបាលជូនបងប្អូនប្រជាពលរដ្ឋ ក៏ដូចជាភ្ញៀវទេសចរឱ្យអស់លទ្ធភាព។

សូមបញ្ជាក់ថា អគារតេជោព្យាបាលជំងឺកូវីដ-១៩នេះ គឺជាគំនិតផ្តួចផ្តើមសាងសង់ពីឯកឧត្តម គួច ចំរើន អភិបាលខេត្តព្រះសីហនុ ដោយមានការចូលរួមជួយឧបត្ថម្ភគាំទ្រជាថវិកា និងសម្ភារ ពីបងប្អូនសប្បុរសជននានាក្នុងខេត្ត និងក្រៅខេត្តផងដែរ៕ ដោយ ងូ សុមុនី សម្រួលផ្សាយដោយ៖ ដារ៉ា

(សូមអានបន្ត)

រដ្ឋបាលខេត្តបាត់ដំបង រៀបចំពិធីក្រុងពលីក្នុងការរៀបចំសង្រ្កាន្តឆ្នាំថ្មីនាពេលខាងមុខ

បាត់ដំបង: ថ្ងៃទី០៧ ខែមេសា ឆ្នាំ២០២២ នៅរសៀលថ្ងៃ៥កើត ខែចេត្រ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃពុធ ទី០៦ ខែមេសា ឆ្នាំ២០២២ រដ្ឋបាលខេត្តបាត់ដំបង បានរៀបចំពិធីក្រុងពលីសុំសេចក្ដីសុខ ដើម្បីត្រៀមលក្ខណៈក្នុងការរៀបចំសង្រ្កាន្តឆ្នាំថ្មី នាពេលខាងមុខនេះ ក្រោមអធិបតីភាព ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងមានការអញ្ជើញចូលរួមពីឯកឧត្តម លោកជំទាវសមាជិកក្រុមប្រឹក្សាខេត្ត លោកអភិបាលរងខេត្ត លោក លោកស្រី ជាប្រធាន និងអនុប្រធានមន្ទីរអង្គភាពជុំវិញខេត្តផងដែរ ។

សូមបញ្ជាក់ផងដែរថា រដ្ឋបាលខេត្តបាត់ដំបង នឹងធ្វើការរៀបចំពិធីសង្រ្កាន្តឆ្នាំថ្មី ឆ្នាំ២០២២ ក្នុងឱកាសអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំខាល ចត្វាស័ក ព.ស. ២៥៦៥ គ.ស. ២០២២ខាងមុខនេះ ។ ដោយក្នុងនោះពិធីសង្រាន្តឆ្នាំថ្មី ឆ្នាំ២០២២ នឹងប្រព្រឹត្តទៅចំនួន៣ថ្ងៃ គឺចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២២ នៅទីតាំងចំនួន៣ គឺទីតាំងទី១-បរិវេណខាងក្នុងសាលាខេត្តបាត់ដំបង។ ទីតាំងទី២- បរិវេណខាងមុខសាលាខេត្តបាត់ដំបង រហូតដល់ស្ពានថ្មចាស់ និងស្ពាន១៣មករា និងទីតាំងទី៣- បរិវេណសួននាគសន្ដិភាព។

សូមជម្រាបថា ទាំងបីទីតាំខាងលើ មានការកម្មវិធីកម្សាន្តនានាដូចជា ការលេងល្បែងប្រជាប្រិយ ការប្រគុំតន្រ្ដី ការសម្ដែងសិល្បៈ និងរាំកម្សាន្តផងដែរ៕ដោយណយ នឿន(ប្រភពៈ រដ្ឋបាលខេត្តបាត់ដំបង) ​សម្រួលផ្សាយដោយ៖ dara

(សូមអានបន្ត)

ព្រឹកថ្ងៃនេះសម្តេចតេជោ ហ៊ុន សែន អញ្ជើញដឹកនាំកិច្ចប្រជុំគណៈរដ្ឋមន្ត្រី ពិនិត្យលើសេចក្តីព្រាងច្បាប់ចំនួនពីរ

(ភ្នំពេញ)៖ នៅព្រឹកថ្ងៃសុក្រ ទី០១ ខែមេសា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញដឹកនាំកិច្ចប្រជុំគណៈរដ្ឋមន្ត្រី ដើម្បីពិនិត្យ និងពិភាក្សាលើសេចក្តីព្រាងច្បាប់ចំនួនពីរ។

បើតាមលោក ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានឱ្យដឹងថា សេចក្តីព្រាងច្បាប់ដែលលើកមកពិនិត្យ និងពិភាក្សានាព្រឹកនេះរួមមាន៖
១៖ សេចក្តីព្រាងច្បាប់ស្តីពីវិសោធនកម្មមាត្រា១៤០នៃច្បាប់ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ។
២៖ សេចក្តីព្រាងច្បាប់ស្តីពីសុវត្ថិភាពម្ហូបអាហារ។

ដូចទម្លាប់នៃកិច្ចប្រជុំនាពេលកន្លងទៅដែរ ក្រៅតែពីពិនិត្យ និងពិភាក្សាទៅលើសេចក្តីព្រាងច្បាប់ទាំងពីរខាងលើហើយនោះ កិច្ចប្រជុំគណៈរដ្ឋមន្ត្រីដឹកនាំដោយសម្តេចតេជោ ហ៊ុន សែន ក៏នឹងពិនិត្យ និងពិភាក្សាទៅលើបញ្ហាផ្សេងៗ ពាក់ព័ន្ធសកម្មភាពសង្គម និងការរស់នៅរបស់ប្រជាពលរដ្ឋផងដែរ៕

(សូមអានបន្ត)