សម្ដេចតេជោៈ បញ្ជាឱ្យក្រសួង លុបអាជ្ញាប័ណ្ណសារព័ត៌មានVODនៅថ្ងៃស្អែក បើមិនសូមទោសឱ្យទាន់ពេលទេនោះ!

 

   ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកទី១២.០២.២០២៣។

បានបញ្ចេញប្រតិកម្មថាៈ«មុននេះបន្តិចខ្ញុំបានឆ្លើយតបជាមួយឈ្មោះ
Min Povទាក់ទងដល់វិទ្យុVODដូចមានខ្លឹមសារជូនភ្ជាប់មកជាមួយ។
ខ្ញុំកំពុងរង់ចាំចម្លើយពីគាត់វិញ។
ពេលនេះខ្ញុំសម្រេចកាត់បន្ថយពេលវេលាសូមទោសមកនៅត្រឹម២៤ម៉ោងគឺកំណត់
ត្រឹមម៉ោង10.00នាទីព្រឹកថ្ងៃ១៣កុម្ភះ
២០២៣វិញ។
ដើម្បីកុំឲ្យយប់យូរសុបិនច្រើននិងអន្ទន់វែងឆ្នាំងវែងខ្ញុំបញ្ជាឲ្យក្រសួងព័ត៌មានលុប
ចោលអាជ្ញាបណ័បញ្ចប់ការផ្សាយរបស់
វិទ្យុVODត្រឹមម៉ោង10.00នាទីថ្ងៃទី១៣កុម្ភះ២០២៣ស្អែកនេះក្នុងករណីដែលពួក
គេមិនបានធ្វើការសូមទោស។
ដំបៅមិនឈឺកុំយកឈើចាក់។បើគង់តែពួកគេចោទថាខ្ញុំប្រើអំណាចខ្ញុំត្រូវតែប្រើអំណាចនេះដើម្បីបំពេញបំណងរបស់ពួកគេ។
ស្អែកនេះឯកឧត្តមប៊ិន ឈិននឹងត្រូវធ្វើជានាយករដ្ឋមន្ត្រីស្តីទីត្រូវធ្វើកិច្ចការនេះឲ្យបានព្រោះទាំងខ្ញុំសម្តេច ស ខេង ទៀ បាញ់ លោកជំទាវម៉ែន សំអននឹងទស្សនកិច្ចនៅឡាវជាមួយគ្នា»។
ការបញ្ចេញប្រតិកម្ម របស់សម្ដេចតេជោ នៅពេលនេះ បន្ទាប់ពីសារព័ត៌មាន VOD បានផ្សព្វផ្សាយថាៈ លោក ហ៊ុន ម៉ាណែត កូនប្រុសច្បងរបស់សម្ដេចតេជោ ដើរតួនាទីជំនួសឪពុក ដោយចុះហត្ថលេខា ផ្ដល់ជំនួយដល់ប្រទេសទួរគឺ ដែលកំពុងរងគ្រោះដោយសាររញ្ជួយដីធ្ងន់ធ្ងរ។
ក្នុងនោះលោក ហ៊ុន ម៉ាណែត ក៏បានបញ្ចេញប្រតិកម្មផងដែរ ជុំវិញការផ្សាយនេះ។

សម្ដេចតេជោ ហ៊ុន សែន បញ្ជាក់ថាៈកាលពីថ្ងៃទី០៨ ខែកុម្ភៈ ឆ្នាំ២០២៣ សម្ដេច សម្រេចផ្តល់ជំនួយមនុស្សធម៌ ចំនួន១០ម៉ឺនដុល្លារ ។
ដល់ប្រទេសទួរគី ដើម្បីចូលរួមចំណែកដោះស្រាយការលំបាក ដែលកើតចេញ ពីគ្រោះរញ្ជួយដី ។
ពោលគឺ មិនមែនលោក ហ៊ុន ម៉ាណែត ជាអ្នកសម្រេចផ្ដល់ជំនួយ ឬដើរតួនាទីជំនួសឪពុក ដូចដែលសារព័ត៌មាន VOD ចុះផ្សាយនោះឡើយ!។
សូមជម្រាបថាៈ ចំនួនអ្នកស្លាប់ដោយសារ រញ្ជួយដីនៅទួរគី និងស៊ីរី កើនលើស ២៣.៧០០នាក់ហើយ៕

សូមអានបន្ត

ចេញផ្សាយនៅថ្ងៃ: Sunday, February 12, 2023 by www.rmr-news.com

ដកតំណែងប្រធានមន្ទីរផែនការខេត្តរតនគិរីចោល ក្រោយបែកក្លិនស្អុយ!

ភ្នំពេញ៖ នៅទីបំផុត, លោក ខេង វុទ្ធី ប្រធានមន្ទីរផែនការខេត្តរតនគិរីដែលត្រូវបានមន្ត្រីក្រោមឱវាទបានដាក់ពាក្យប្ដឹងទៅសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាឱ្យជួយបើកការស៊ើបអង្កេតពាក់ព័ន្ធការប្រព្រឹត្តអំពើពុករលួយក្នុងអង្គភាពតាំងពីពេលធ្វើជាប្រធានរហូតមកដល់បច្ចុប្បន្ន នៅថ្ងៃទី២៤ ខែមករា ឆ្នាំ២០២៣នេះ ត្រូវបានរដ្ឋមន្ត្រីក្រសួងផែនការចេញប្រកាសដកចេញពីប្រធានមន្ទីរផែនការខេត្តរតនគិរីហើយ។ នេះបើយោងតាមប្រកាសដែលបណ្ដាញសារព័ត៌មាន The Mirror News ទើបទទួលបាននៅថ្ងៃនេះ។

នៅក្នុងប្រកាសបានសម្រេច៖
ប្រការ១៖ ផ្ទេរក្របខ័ណ្ឌឯកឧត្តម ខេង វុទ្ធី ទីប្រឹក្សាក្រសួងផែនការ និងជាប្រធានមន្ទីរផែនការខេត្តរតនគិរី ឱ្យមកបម្រើការងារនៅទីស្តីការក្រសួងផែនការ ដោយចាត់ឱ្យទៅបម្រើការងារនៅអគ្គលេខាធិការដ្ឋាន ប្រជាជន និងការអភិវឌ្ឍ។
ប្រការ២៖ ប្រាក់បៀវត្ស និងរាល់ផលប្រយោជន៍របស់សាម៉ីខ្លួនត្រូវបន្តបើកនៅអង្គភាពថ្មី បន្ទាប់ពីបានកាត់ផ្តាច់ ចេញពីអង្គភាពចាស់។
ប្រការ៣៖ ឯកឧត្តម លោកជំទាវ លោក លោកស្រី ប្រធានអង្គភាពដែលមានការពាក់ពន្ធ័ និងឯកឧត្តម ខេង វុទ្ធី មានភារកិច្ចអនុវត្តប្រកាសនេះ ចាប់ពីថ្ងៃចុះហត្ថលេខាតទៅ។
គួររំលឹកថា ប្រធានមន្ទីរផែនការខេត្តរតនគិរី ត្រូវបានមន្ត្រីជើងក្រោមដាក់ពាក្យបណ្តឹងទៅសម្ដេចនាយករដ្ឋមន្ត្រីនៃកម្ពុជាដែលមានខ្លឹមសារថា៖

.លោកមិនឱ្យ​មន្ត្រី​ចូល​ធ្វើការ​ដោយ​សន្យា​រក្សា​ក្របខ័ណ្ឌជូន ចំណែកប្រាក់ខែ គាត់ជាអ្នកយក។

.លោកបានបង្កកប្រាក់ខែជាច្រើនណាស់តែមិនដែលឃើញបង្វិលចូលរដ្ឋវិញទេក្នុងមួយឆ្នាំៗ

.ប្រាក់បេសកកម្មលោកទូទាត់ខ្លួនឯងគ្រប់ចំនួនដប់ថ្ងៃរួចហើយ សុំដាក់ឈ្មោះអនុប្រធានមន្ទីរដើម្បីដកលុយយកមកឲ្យខ្លួនអស់រយៈពេលពីរបីឆ្នាំមកហើយ។

.ការងារលទ្ធកម្ម៖សម្ភារៈប្រើប្រាស់ ទឹកប្រាក់ជិត២០លាន ពេលដេញថ្លៃយកតែលុយ មិនដែលមានរបស់ប្រើប្រាស់ សូម្បីក្រដាស់មួយដុំ, ការងារដេញថ្លៃម៉ូតូ នៅពេលបានម៉ូតូហើយ ចែកឲ្យមន្ត្រីយកមួយគ្រឿងយកលុយ៣០០ដុល្លារ ថែមទាំងថ្លៃស្លាកលេខ៥០ដុល្លារទៀត, ការងារជួសជុលអាគារ ធ្វើអាគារឲ្យមន្ត្រីធ្វើការ ប៉ុន្តែមន្ត្រីមិនហ៊ានមកធ្វើទេពីព្រោះអាគារគ្មានគ្រឹះហើយតឡើងលើ, ការងារជួសជុលរថយន្ត ពុំដែលជួសជុលទេ យកតែលុយហើយតម្លៃជួសជុលស្ទើតែទិញឡានថ្មីមួយទៅហើយក្នុងមួយឆ្នាំៗ, ការងារបោះពុម្ពក៏អត់ដែរយកតែលុយ, ទិញសម្ភារៈកង់ឡានកង់ម៉ូតូក៏អត់ដែលទិញដែរយកតែលុយ,ការងារជួសជុលកំព្យូទ័រនិងព្រីនធ័រក៏យកតែលុយដែរមិនដែលជួសជុលឡើយរកតែកុំព្យូទ័រប្រើស្ទើតែគ្មាន។

.ការរុះរើអាគារចាស់ដោយប្រមូលយកធ្វើជាកម្មសិទ្ធិរបស់ខ្លួនឯង យកទៅធ្វើផ្ទះឲ្យកម្មករនៅចំការ ភូមិកាម៉ែន ឃុំឯកភាព ស្រុកអូរជុំ។

.ចងការប្រាក់ឲ្យមន្ទីរ តើមានឯកសារទេ យកទៅធ្វើអ្វី អ្នកណាដឹងឮខ្លះ ការប្រាក់ចំនួនប៉ុន្មានដែរឬជាគំនិតរបស់ខ្លួនដើម្បីកេងបន្លំយកលុយពីមន្ទីរដោយស្របច្បាប់ មួយវិញទៀតរាល់ពេលដែលមានរឿងតែងតែបង្ខំមន្ត្រីឲ្យផ្ដិតមេដៃគាំទ្រខ្លួនទាំងដែលខ្លួនធ្វើខុស បើអ្នកណាមិនផ្ដោតទេអ្នកនោះប្រឹងនឹងខ្លួន ហើយប្រធានរូបនេះនឹងមានវិធានការភ្លាម។

.រឿងលោកប្រមូលលុយជប់លៀងឆ្នាំ២០១៧ ហើយមិនបង្វិលលុយឲ្យមន្ត្រីវិញ។ *ការងារអត្តសញ្ញាណកម្មគ្រួសារក្រីក្រ។ *ការចាយលុយមិនទៅតាមចង្កោមសកម្មភាព៕

សូមអានបន្ត

ចេញផ្សាយនៅថ្ងៃ: Tuesday, January 24, 2023 by www.rmr-news.com

ទីតាំងល្បែងសុីសងតាមអនឡាញបង្កប់ខាងក្រោមសណ្ឋាគារ((រ៉ូមែនប៊ូទិក)) សូមលោកអភិបាលខណ្ឌទួលគោក ក៏ដូចជាលោកអធិការខណ្ឌ ជួយចាត់មន្ត្រីជំនាញចុះស្រាវជ្រាវបង្ក្រាបផង!ឬមួយក៏ទីតាំងនោះមានផលប្រយោជន៍ទៅមន្ត្រីថ្នាក់ក្រោមបានមិនបង្ក្រាប!!!

{ភ្នំពេញ} ៖ ✍️ចេញផ្សាយ÷ថ្ងៃទី២៣.០១.២០២៣ តើអាជ្ញាធរពាក់ពន្ធ័ក្នុងខណ្ឌទួលគោក ជ្រាបឬនៅ ទីតាំងល្បែងសុីសងតាមអនឡាញគ្រប់ប្រភេទមួយកន្លែងបង្កប់ក្រោមសណ្ឋាគារ ((រ៉ូមែនប៊ូទិក)) កំពុងលួចលាក់បើកដំណើរការល្បែងសុីសង នៅបណ្ដោយផ្លូវ២២៥ កែងផ្លូវ១២២ ស្ថិតក្នុង សង្កាត់ដេប៉ូទី៣ ខណ្ឌទួលគោក រាជធានីភ្នំពេញ តើអាជ្ញាធរពាក់ព័ន្ធមានវិធានការក្នុងការដឹកនាំកម្លាំងចុះបង្ក្រាបដែរឬទេ!?

✍️.ប្រភពច្បាស់ការពីប្រជាពលរដ្ឋក្នុងមូលដ្ឋានបានប្រាប់អង្គភាពសារព័ត៌មាន"រស្មីម្ជុលពេជ្រ រិទ្ធិ ជ័យ"ដឹងថា;មានទីតាំងបង្កប់លេងល្បែងស៊ីសង់ភ្នាល់តាមអនឡាញមួយកន្លែងស្ថិត បណ្ដោយផ្លូវ២២៥ កែងផ្លូវ១២២ ក្នុងសង្កាត់ដេប៉ូទី៣ ខណ្ឌទួលគោកជ្រកសណ្ឋាគារមួយកន្លែងដែលមានស្លាកយីហោ((រ៉ូមែនប៊ូទិក))ជាន់ក្រោម មានលួចលាក់បង្កប់ល្បែងសុីសងខុសច្បាប់ដែលរដ្ឋាភិបាលកំពុងតែមមាញឹកនិងការទប់ស្កាត់បែរជាអាជ្ញាធរពាក់ព័ន្ធក្នុងខណ្ឌទួលគោក ហាក់បីដូចជាព្រងើយកន្តើយមិនយកចិត្តទុកដាក់ក្នុងអនុវត្តតាមបម្រាមរបស់រដ្ឋាភិបាលទៅវិញ!!!

✍️.ក្រោយមកអង្គភាពយើងឃើញថា;មានការបើកលេងជាក់ស្ដែងពិតប្រាកដមែន ដូចប្រជាពលរដ្ឋរាយការណ៍ក៏បានធ្វើការផ្តិតរូបភាពខាងក្រៅដើម្បីផ្សព្វផ្សាយជូនដល់មន្ត្រីពាក់ព័ន្ធក្នុងមូលដ្ឋានខណ្ឌទួលគោក គួរមានវិធានការចុះបង្ក្រាបផង។ ល្បែងស៊ីសងកំពុងតែដំណើរការក្នុងខណ្ឌលោកអធិការខណ្ឌទួលគោក តើមានចំណាត់ការបង្ក្រាបដែលឬទេ!? ក៏នៅតែបណ្ដែតបណ្ដោយឲ្យមានការបើកលេងដោយមិនខ្លាចញញើតនិងអនុសាសន៍ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ឱ្យបិតល្បែងទាំងឡាយណាដែលគ្មានច្បាប់អនុញ្ញាតនិងខុសច្បាប់។

ពលរដ្ឋនៅក្នុងមូលដ្ឋានសង្ឃឹមថា៖លោកជា ពិសី អភិបាលនៃគណៈអភិបាលខណ្ឌទួលគោក និងលោកវរសេនីយ៍ឯក សុឹម ពិសិដ្ឋ អធិការនគរបាលខណ្ឌទួលគោក​

ទើបមកកាន់តំណែងថ្មី ហ្នឹងយកចិត្តទុកដាក់ក្នុងការដឹកនាំកម្លាំងរបស់ខ្លួនចុះស្រាវជ្រាវនិងពិនិត្យធ្វើការបង្ក្រាបទីតាំងមួយកន្លែងនេះបានទាន់ពេលវេលាក្នុងដែនរបស់ខ្លួន និងគោរពទៅតាមអនុសាសន៍ដ៏ខ្ពង់ខ្ពស់ពីសម្ដេចតេជោ ហ៊ុន សែន ដែលមិនអនុញ្ញាតឲ្យមានល្បែងស៊ីសងណាដែលខុសច្បាប់ក្នុងមូលដ្ឋាននៅឡើយទេ!!! និងចូលរួមទប់ស្កាត់អំពើចោរកម្មផ្សេងៗនៅក្នុងមូលដ្ឋានរបស់ខ្លួន(ដូចជា )ចោរលួច-ចោរឆក់-ចោរប្លន់-គាស់ផ្ទះជាពិសេសហឹង្សាក្នុងគ្រួសារ???ចៀសវាងប្រជាពលរដ្ឋនិងមហាជនជាច្រើនការដាក់សង្ស័យមានការបើកដីពីសំណាក់មន្ត្រីពាក់ព័ន្ធក្នុងមូលដ្ឋានទើបទីតាំងមួយនេះហ៊ានបើកដំណើរការបានដោយមិនខ្លាចញញើតនិងច្បាប់ទាល់បន្តិចសោះ។

✍️.ពលរដ្ឋជាច្រើនស្នើសុំដល់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងលោកឧត្តមសេនីយ៍ឯក ស ថេត អគ្គស្នងការរង ក៏ជាស្នងការរាជធានីភ្នំពេញ មេត្តាជួយចាត់មន្ត្រីជំនាញចុះពិនិត្យនិងធ្វើការបង្ក្រាបទីតាំងមួយកន្លែងនេះផង កំពុងតែលួចលាក់បើកល្បែងសុីសងមិនខ្លាចញញើត និងអាជ្ញាធរពាក់ព័ទ្ធក្នុងមូលដ្ឋាន ដើម្បីគោរពតាមអនុសាសន៍ដ៏ខ្ពង់ខ្ពស់សម្ដេចក្រហោម ស ខេង ឧបមន្ត្រីរដ្ឋមន្ត្រីក្រសួងមហាផ្ទៃ និងចូលរួមចំណែកបញ្ចៀសអំពើចោលកម្មផ្សេងៗក្នុងមូលដ្ឋានដូចជា ចោរលួច-ចោរឆក់-ចោរប្លន់-គាស់ផ្ទះជាពិសេសហឹង្សាក្នុងគ្រួសារជាដើម ៘

សូមអានបន្ត

ចេញផ្សាយនៅថ្ងៃ: Monday, January 23, 2023 by www.rmr-news.com

អាវុធហត្ថរាជធានីភ្នំពេញ សម្តែងនូវការថ្លែងអំណរគុណចំពោះ ឯកឧត្តម លី ហុង និង លោកជំទាវ!

 

អាវុធហត្ថរាជធានីភ្នំពេញ សម្តែងនូវការថ្លែងអំណរគុណចំពោះ ឯកឧត្តម លី ហុង និង លោកជំទាវ!

នា.ព្រឹក ថ្ងៃទី១០ខែមករា ឆ្នាំ២០២៣ នៅបញ្ជាការដ្ឋានកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានចាត់តំណាង ទទួល មីម៉ាម៉ា ចំនួន ៣០កេសធំ ស្មើនឹង ១៨០កេសតូច របស់ ឯកឧត្តម លី ហុង ទីប្រឹក្សាក្រសួងមហាផ្ទៃ និង លោកជំទាវ ប្រគល់ជូនអាវុធហត្ថរាជធានីភ្នំពេញ សម្រាប់ជាប្រយោជន៍ បន្ថែមលើអាហាររូបត្ថម្ភ របស់សមាជិក កងរាជអាវុធហត្ថរាជធានីភ្នំពេញ។ 

ក្នុងឱកាសនោះ ក្រុមការងារ តំណាងឲ្យលោកឧត្តមសេនីយ៍ឯក រ័ត្ន ស៊្រាង បានសម្តែងនូវការថ្លែងអំណរគុណយ៉ាងជ្រាលជ្រៅ ចំពោះ ឯកឧត្តម លី ហុង និង លោកជំទាវ ដែលមានចិត្តជ្រះថ្លាឧបត្ថម្ភមីចំនួន៣០កេសធំ ដល់អាវុធហត្ថរាជធានីភ្នំពេញនាពេលនេះ៕

សូមអានបន្ត

ចេញផ្សាយនៅថ្ងៃ: Wednesday, January 11, 2023 by www.rmr-news.com

ទីតាំងបង្កប់ល្បែងស៊ីសងមាន់អនឡាញ លេងតាម laptop ស្ថិតនៅភូមិអូរអណ្ដូង១ សង្កាត់ព្រែកប្រា ខណ្ឌច្បារអំពៅ សូមឱ្យអាជ្ញាធរចុះត្រួតពិនិត្យ លើល្បែងនេះផងទាទ....

 

👉.ប្រភពព័ត៌មានពីប្រជាពលរដ្ឋបានរាយការណ៍មក អង្គភាពសារព័ត៌មានយើងអោយដឹងថា; មានទីតាំងហាងកាហ្វេមួយកន្លែង បង្កប់ល្បែងស៊ីសងលេងតាមlaptop ស្ថិតនៅភូមិអូអណ្ដូង១ សង្កាត់ព្រែកប្រា ខណ្ឌច្បារអំពៅ។ ដោយអាជ្ញាធរពាក់ព័ន្ធមិនទាន់បានចុះ ត្រួតពិនិត្យនិងបង្ក្រាបនៅឡើយទេ។ 

👉.ប្រជាពលរដ្ឋស្នើសុំទៅដល់អភិបាលខណ្ឌច្បារអំពៅ លោកចេត មុន្នីរ៉ា និងលោកអធិការខណ្ឌច្បារអំពៅ និង អាជ្ញាធរពាក់ព័ន្ធនៅក្នុងសង្កាត់ព្រែកប្រា ខណ្ឌច្បារអំពៅ សូមចុះត្រួតពិនិត្យមើលផងទាន។

សូមអានបន្ត

ចេញផ្សាយនៅថ្ងៃ: Tuesday, January 10, 2023 by www.rmr-news.com

យកក្មេងប្រុសអាយុជិត១ខួប ផ្លុងចោលក្នុងផ្ទះសំណាក់ហើយគេចខ្លួនបាត់ មួយយប់មួយថ្ងៃ ម្ចាស់ផ្ទះបីយកទៅប្តឹងអាជ្ញាធរ សមត្ថកិច្ច

{ភ្នំពេញ} ៖ ក្មេងប្រុសម្នាក់អាយុជិត១ខួប ត្រូវបានស្រ្តីម្នាក់ព បី យកទៅចូលផ្ទះសំណាក់ជួលបន្ទប់សម្រាក ប្រើល្បិចថាទៅក្រៅមួយភ្លែត បែជាទៅបាត់អស់រយៈពេលមួយយប់ មួយថ្ងៃ មិនឃើញវិលទៅយកក្មេងវិញ មានតែម្ចាស់ផ្ទះនាំយកទៅប្តឹង អាជ្ញាធរ សមត្ថកិច្ច កាលពីវេលាម៉ោង២រសៀល ថ្ងៃទី០៩ ខែមករា ឆ្នាំ២០២៣ នៅផ្ទះសំណាក់ស្កាយលាភ ក្នុងភូមិអូរដឹម២ សង្កាត់ចោមចៅ៣ ខណ្ឌពោធិសែនជ័យ ។

តាមសម្តីម្ចាស់ផ្ទះសំណាក់ ឈ្មោះ ឡាយ ហុងលាង ភេទស្រី អាយុ៧២ឆ្នាំ បានឲ្យដឹងថា នៅវេលាម៉ោង៩យប់ថ្ងៃទី០៨ ខែមករា ឆ្នាំ២០២៣ មានស្ត្រីម្នាក់បើករថយន្តមួយគ្រឿង ព ក្មេងប្រុសម្នាក់ខាងលើ ទៅជួលបន្ទប់ដេកសម្រាក លុះមួយសន្ទុះក្រោយមក ស្ត្រីរូបនោះបានចុះមកវិញតែម្នាក់ឯង ហើយប្រាប់កូនប្រុសគាត់ថា កូនគាត់ដេកលក់ហើយ គាត់រវល់ចេញទៅក្រៅរកទិញអីហូបមួយភ្លែត ហើយក៏បើករថយន្តចេញទៅបាត់ អស់រយៈពេលមួយយប់ទៅហើយមិនឃើញវិលវិញ ក្មេងប្រុសត្រូវបានក្រុមគ្រួសារម្ចាស់ផ្ទះសំណាក់ជួយមើលថែ ចាំបាត់ៗ រហូតដល់វេលាម៉ោង២រសៀលថ្ងៃទី០៩ ខែមករា ឆ្នាំ២០២៣នេះ នៅតែមិនឃើញស្ត្រីរូបនោះ មកយកក្មេងទៅវិញ ទើបសម្រេចចិត្តបី ព ក្មេង យកទៅរាយការណ៍ ប្តឹង អាជ្ញាធរ សមត្ថកិច្ចចោមចៅ៣ ។

ស្ត្រីម្ចាស់ផ្ទះសំណាក់បានបន្តទៀតថា ក្នុងករណីនៅតែមិនឃើញម្តាយក្មេងប្រុសមកយកកូនទៅវិញ មានតែគាត់ស្នើសុំរ៉ាប់រងទទួលយកក្មេងប្រុសម្នាក់នេះ ចិញ្ចឹមបីបាច់ហើយ ៕

សូមអានបន្ត

ចេញផ្សាយនៅថ្ងៃ: Monday, January 09, 2023 by www.rmr-news.com

អាវុធហត្ថរាជធានីភ្នំពេញ ឃាត់ខ្លួនជនសង្ស័យ០២នាក់ បញ្ជូនទៅតុលាការ ពាក់ព័ន្ធករណី ឆក់ទូរស័ព្ទ

 ជនសង្ស័យ ឈ្មោះ ហួង រក្សា ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅ ផ្ទះលេខ១២១ ផ្លូវលំ ភូមិក្បាលទំនប់ សង្កាត់បឹងទំពុន ខណ្ឌមានជ័យ និង ឈ្មោះ សួន សុភ័ក្រ្ដ ភេទប្រុស អាយុ២២ឆ្នាំ មុខរបរ មិនពិតប្រាកដ ស្នាក់នៅផ្ទះលេខ1A ផ្លូវ៤៩២ សង្កាត់ផ្សារដេីមថ្កូវ ខណ្ឌចំការមន ត្រូវបានកម្លាំងជំនាញមូលដ្ឋានអាវុធហត្ថខណ្ឌទួលគោក ឃាត់ខ្លួនពាក់ព័ន្ធករណីឆក់ទូរស័ព្ទ នៅវេលាម៉ោង ០០:១៦នាទីយប់ ថ្ងៃទី០៨ ខែមករា ឆ្នាំ២០២៣ នៅចំណុចផ្លូវមុន្នីរ៉េត សង្កាត់ផ្សារដេីមគរ ខណ្ឌទួលគោក ដោយដកហូតវត្ថុតាង ៖ ១.ម៉ូតូ០១គ្រឿងម៉ាក Honda Beat ពណ៌ស សេរីឆ្នាំ២០២២ ស្លាកលេខ ក្រចេះ1G.9180 , ២.ទូរស័ព្ទដៃចំនួន០៣គ្រឿង, ៣.កាបូបលុយ០១ និង នាឡិកាដៃ០១គ្រឿង។ ចំណែកវត្ថុតាងទូរស័ព្ទដៃ ត្រូវបានសមត្ថកិច្ចអាវុធហត្ថខណ្ឌទួលគោក ធ្វើកំណត់ហេតុប្រគល់ជូនជនរងគ្រោះវិញផងដែរ។

ជនសង្ស័យទាំង០២នាក់ បានសារភាពឲ្យដឹងដូចគ្នាថា ពួកខ្លួន បានធ្វើសកម្មភាពឆក់ទូរស័ព្ទដៃ ពីជនរងគ្រោះ ពិតប្រាកដមែន។

ជនសង្ស័យទាំង០២នាក់ខាងលើ ត្រូវបានកម្លាំងជំនាញការិយាល័យប្រឆាំងបទល្មើសព្រហ្មទណ្ឌ នៃ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕

សូមអានបន្ត

ចេញផ្សាយនៅថ្ងៃ: Monday, January 09, 2023 by www.rmr-news.com

ពិតជាផ្គើនអនុសាសន៍ របស់ថ្នាក់ដឹកនាំមែន!!! ទីតាំង ល្បែងស៊ីសងខ្នាតយក្សរបស់ជនជាតិចិនបើកនៅកោះពេជ្រ យ៉ាងរលូន រីឯអាជ្ញាធររក្សាភាពស្ងៀមស្ងាត់!!!

ពិតជាផ្គើនអនុសាសន៍  របស់ថ្នាក់ដឹកនាំមែន!!! ទីតាំង ល្បែងស៊ីសងខ្នាតយក្សរបស់ជនជាតិចិនបើកនៅកោះពេជ្រ យ៉ាងរលូន រីឯអាជ្ញាធររក្សាភាពស្ងៀមស្ងាត់!!!

{ខណ្ឌចំការមន}÷ មានសេចក្តីរាយការពីពលរដ្ឋថា! ទីតាំងមួយកន្លែងលួចបើកល្បែងសុីសងប្រភេទកាសុីណូដែលស្ថិតផ្ទះលេខ 5 ផ្លូវលេខ 78 សង្កាត់ទន្លេបាសាក់ ខណ្ឌចំការមន រាជធានីភ្នំពេញ នៅផ្សារចិន ជិតកោះពេជ្រ កំពុងបើកដំណើរការយ៉ាងលលូនដោយមិនរំខានដល់សមត្ថកិច្ចនោះទេ។


សូមលោកកៀង ល័ក្ខ អភិបាលខណ្ឌចំការមន និងលោកយិន សាន អធិការខណ្ឌចំការមន សូមចុះពិនិត្យនិងចុះបង្គ្រាបផងទាន....ដើម្បីភូមិឃុំសុវត្ថិភាពផងដែរ។

សូមអានបន្ត

ចេញផ្សាយនៅថ្ងៃ: Monday, January 09, 2023 by www.rmr-news.com

កម្លាំងអាវុធហត្ថរាជធានីភ្នំពេញ បានចាប់ខ្លួនទាហានផ្កាយ២ម្នាក់ នៅក្រសួងការពារជាតិ ក្រោយប្រើហិង្សាលើប្រពន្ធ ប្អូនថ្លៃស្រី និងក្មួយ

 ភ្នំពេញ៖​ កម្លាំងកងរាជអាវុធហត្ថរាជធានីភ្នំពេញ បានឃាត់ខ្លួនមន្ត្រីយោធាពាក់ផ្កាយ២ម្នាក់ ពាក់ព័ន្ធប្រេីប្រាស់ហិង្សាលេីក្រុមគ្រួសារ​ កាលពីថ្ងៃទី៥​ ខែមករា​ ឆ្នាំ២០២៣​ ស្ថិតនៅផ្លូវ៣១៣​ ក្នុងសង្កាត់បឹងកក់ទី១​ ខណ្ឌទួលគោក​ រាជធនីភ្នំពេញ។

ជនរងគ្រោះ៣នាក់ ដែលត្រូវបានបុរសជាមន្ត្រីយោធាពាក់ផ្កាយ២ ប្រេីប្រាស់ហិង្សានោះមាន​ ប្រពន្ធ​ ប្អូនថ្លៃស្រី​ និងក្មួយស្រី​។ ជនរងគ្រោះដោយអំពេីហិង្សាពីសំណាក់មន្ត្រីយោធាបានរៀបរាប់គាត់តែងតែវាយរឿងអស់រយៈពេល៧ ទៅ៨ឆ្នាំហេីយតែគាត់ជនរងគ្រោះចេះតែទ្រាំ​ មិនប្តឹងអីនោះទេ​ តែយប់កេីតហេតុមន្ត្រីយោធា ដែលជាប្តីបានរករឿងបគាត់​ ប្អូនថ្លៃ និងក្មួយតាំងពីយប់រហូតទល់ភ្លឺទេីបគាត់ទ្រាំមិនបាន​ និងមានការភ័យខ្លាចគាត់ប្តឹងទៅកម្លាំងកងរាជអាវុធហត្ថរាជធានីភ្នំពេញឱ្យមកជួយអន្តរាគមន៍​ ភ្លាមកម្លាំងកងរាជអាវុធហត្ថបានមកដល់ក៏នាំខ្លួនបុរសជាប្តីយកទៅសួរនាំ​ និងក្រោយមកបានមកឆែកយកកាំភ្លេីងវែង២ដេីម និបង់ជាច្រេីនផងដែរ។

ជនដែលប្រេីហិង្សាមានឈ្មោះ​ អឿង ប៉ុលភិវឌ្ឍន៍ ថាន្តរសក្តិ ជាឧត្តមសេនីយ៍ទោ​ មុខងារបច្ចុប្បន្នធ្វើការនៅនាយកដ្ឋានសរុប ក្រសួងការពារជាតិ ត្រូវបានកម្លាំងកងរាជអាវុធហត្ថរៀបចំសំណុំរឿងបញ្ជូនមកតុលាការ ដេីម្បីកាត់ទោសទៅតាមផ្លូវច្បាប់។

ចុងក្រោយជនរងគ្រោះសូមស្នេីដល់កម្លាំងកងរាជអាវុធហត្ថ និងតុលាផ្តល់យុត្តិធម៌ដល់គាត់ផង៕

សូមអានបន្ត

ចេញផ្សាយនៅថ្ងៃ: Sunday, January 08, 2023 by www.rmr-news.com

កម្លាំងការិយាល័យនគរបាលចរាចរណ៍ នៃស្នងការដ្ឋាននគរបាលខេត្តតាកែវត្រូវបានដកបញ្ឈរជើងទាំងអស់នឹងរង់ចាំថ្នាក់លើអនុវត្តន៍តាមច្បាប់កងកំលាំង.......

{ព័ត៌មានបឋម}÷ កម្លាំងការិយាល័យនគរបាលចរាចរណ៍ នៃស្នងការដ្ឋាននគរបាលខេត្តតាកែវ គោលដៅផ្លូវជាតិលេខ៣ ស្ថិតក្នុងស្រុកត្រាំកក់ ត្រូវបានដកបញ្ឈរជើងទាំងអស់ ដើម្បីធ្វើការស្រាវជ្រាវស៉ើបអង្កេត បន្ទាប់ពីរងការរិះគន់ពាក់ព័ន្ធការចាប់អ្នកធ្វើដំណើរ ជាជនជាតិបរទេសផាកពិន័យលើសច្បាប់កំណត់ និងឈានដល់ការប្រើប្រាស់អំពើហិង្សា រហូតត្រូវបានគេចែកចាយពេញបណ្ដាញសង្គម...។

សូមអានបន្ត

ចេញផ្សាយនៅថ្ងៃ: Sunday, January 08, 2023 by www.rmr-news.com