ពិធីបិទការប្រកួតកីឡាមហាជនស្រុកពារាំង ក្រោមអធិបតីភាពលោក ចេម ប្រា អភិបាលស្រុកពារាំង និងលោក ឈុន សារ៉ាត ប្រធានក្រុមប្រឹក្សាស្រុក

{ស្រុកពារាំង}÷ព្រឹកថ្ង្ងៃទី២០ខែតុលាឆ្នាំ២០២៤ លោក ចេម ប្រា អភិបាលនៃគណៈអភិបាលស្រុកពារាំង និង លោក ឈុន សារ៉ាត ប្រធានក្រុមប្រឹក្សាស្រុកពារាំង បានចូលរួមជាអធិបតី ក្នុងពិធីបិទការប្រកួតកីឡាមហាជនស្រុកពារាំង  ស្ថិតនៅបរិវេណសាលាបឋមសិក្សាស្នាយពល ភូមិស្នាយពល ឃុំរកា

ស្រុកពារាំង ខេត្តព្រៃវែង។

ដោយមានការអញ្ជើញចូលរួមពី លោក លោកស្រី អភិបាលរងស្រុក នាយក នាយករង រដ្ឋបាលស្រុក អធិការនគរបាលស្រុក មេបញ្ជាការកងរាជវុធហត្ថស្រុក មេបញ្ជាការផ្នែកសឹករងស្រុក ប្រធានការិយាល័យចំណុះរដ្ឋបាលស្រុក មេឃុំ ស្មៀនឃុំ និងក្រុមកីឡាករទាំង៩ឃុំ។

លោក ផែង អូន ប្រធានការិយាល័យអប់រំ យុវជន និងកីឡាពារាំងបានលើកឡើងថា នេះជាលើកទី១ដែលរដ្ឋបាលស្រុកពារាំង បានរៀបចំ ការប្រកួតកីឡាមហាជនក្នុងទ្រង់ទ្រាយធំ ដែលមានការចូលរួមពីក្រុមកីឡាករ មកគ្រប់ឃុំទូទាំង ស្រុក លើប្រភេទកីឡា បាល់ទាត់ បាល់ទះ ដើម្បីដណ្តើមពានរង្វាន់ រដ្ឋាបាលស្រុក ដើម្បីឈានចូលទៅប្រកួតនៅខេត្តព្រៃវែងជាបន្ត ដែលព្រឹត្តិការណ៍នេះ ប្រព្រឹត្តទៅ នៅថ្នាក់ស្រុកចាប់ពីថ្ងៃទី ១៩ ខែតុលាដល់ ថ្ងៃទី ២០ខែតុលា ឆ្នាំ២០២៤។

នាឱកាសនោះដែរលោក ចេម ប្រា អភិបាលនៃគណ:អភិបាលស្រុកពារាំង បានមានប្រសាសន៍ថា កីឡានាំមកនៅសាមគ្គីភាព និងបង្ហាញនូវក្តីស្រលាញ់ ដែលធ្វើឲ្យប្អូនៗ ក្មួយៗបានស្គាល់គ្នា ហើយចេះរាប់អានគ្នា បង្កើនមិត្តភាព សាមគ្គីភាព ដែលធ្វើឱ្យកីឡា កាន់តែរីកចម្រើនបន្តបន្ទាប់។ 

លោក ចេម ប្រា អភិបាលនៃគណ:អភិបាលស្រុកពារាំងក៏បានបន្ថែមទៀតថា បើគ្មានសុខសន្តិភាពពេញលេញ ពេញផ្ទៃប្រទេស គ្មាននយោបាយដឹកនាំប្រទេសច្បាស់លាស់នោះទេ គឺមិនមានពេលជួបជុំគ្នា ហើយក៏មិនមានឱកាសបង្ហាញសមត្ថភាព និងទេពកោសល្យរបស់ខ្លួន ដូចថ្ងៃនេះដែរ ដូចពាក្យស្លោកថា (កីឡារស់ក្នុងសន្តិភាព)។

លោក ឈុន សារ៉ាត ប្រធានក្រុមប្រឹក្សាស្រុកបានលើកឡើងខ្លះៗថាកីឡាមហាជននេះជាការប្រកួតរវាងឃុំមួយនិងឃុំមួយគ្រប់ឃុំទាំង៩ ហើយក៏សូមអោយកីឡាករទាំងអស់បន្តការវឹកហាត់និងអនុវត្តន៍តាមលក្ខខណ្ឌតិក:របស់អាជ្ញាកណ្តាលនិងរក្សាអោយបាននូវមិត្តភាពរវាងគ្នានិងគ្នា និងដើម្បីជ្រើសរើសជើងឯកប្រចាំស្រុកពារាំងដើម្បីឈានទៅប្រកួតនៅថ្នាក់ខេត្តបន្តទៀត។

គូរបញ្ជាក់ផងដែរថា៖ សម្រាប់ពិធីបិទការប្រកួតកីឡាមហាជនស្រុកពារាំង រយៈពេល២ថ្ងៃនេះ
(ថ្ងៃទី១៩-២០ ខែតុលា ឆ្នាំ២០២៤) មានក្រុមកីឡាករបាល់ទាត់ និងបាល់ទះ ចូលរួមមកប្រកួតចំនួន៩ឃុំ មាន÷
ឃុំកំពង់ពពិល ឃុំកំពង់ប្រាំង ឃុំកញ្ចំ ឃុំមេសរប្រចាន់
ឃុំព្រៃស្នៀត ឃុំព្រៃព្នៅ ឃុំព្រៃស្រឡិត ឃុំរាប និង ឃុំរកា ហើយក្រុមកីឡាករផ្នែកបាល់ទាត់ដែលជាប់ចំណាត់ថ្នាក់លេខ១ប្រចាំស្រុកពារាំងគឺក្រុមកីឡាករបាល់ទាត់មកពីឃុំព្រៃស្នៀត និងលេខ២បានទៅលើក្រុមកីឡាករបាល់ទាត់មកពីឃុំព្រៃព្នៅ,ចំណាត់ថ្នាក់លេខ៣ ក្រុមកីឡាករមហាជនមកពីឃុំ មេសរប្រចាន់។

ផ្នែកបាល់ទះ÷ចំណាត់លេខ១បានទៅលើក្រុមកីឡាករមហាជនមកពីឃុំ មេសរប្រចាន់,ចំណាត់ថ្នាក់លេខពីរបានទៅលើក្រុមកីឡាករមហាជនមកពីឃុំ ព្រៃស្រឡិត,ចំណាត់ថ្នាក់លេខបីបានទីលើក្រុមកីឡាករមហាជនមកពីឃុំ ព្រៃស្នៀត។

ក្នុងនោះដែរផ្នែកបាល់ទាត់: ចំណាត់ថ្នាក់លេខមួយទទួលបានពានរបស់រដ្ឋាបាលស្រុកចំនួនមួយ និងថវិកាចំនួន៤០ម៉ឺនរៀល,ចំណាត់ថ្នាក់លេខពីរទទួលបានថវិកាចំនួន៣០ម៉ឺនរៀល,ចំណាត់ថ្នាក់លេខបីទទួលបានថវិកាចំនួន២០ម៉ឺនរៀល។

ផ្នែកបាល់ទះ÷ ចំណាត់ថ្នាក់លេខមួយទទួលបានពានរបស់រដ្ឋាបាលស្រុកចំនួនមួយ និងថវិកាចំនួន២០ម៉ឺនរៀល,ចំណាត់ថ្នាក់លេខពីរទទួលបានថវិកាចំនួន១៥ម៉ឺនរៀល,ចំណាត់ថ្នាក់លេខបីទទួលបានថវិកាចំនួន១០ម៉ឺនរៀល៕

(សូមអានបន្ត)

ឯកឧត្តម ឆាយ ឫទ្ធិសែន ចុះពិនិត្យស្ថានភាពផ្លូវ និងស្ពានទ្រុឌទ្រោម​ ក្នុងស្រុកព្រះស្ដេច និងស្រុកស្វាយជ្រំ

{ព្រៃវែង}​៖​ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយ ឯកឧត្តមរដ្ឋលេខាធិការប្រចាំការ ឯកឧត្តមថ្នាក់ដឹកនាំ និងមន្រ្តីបច្ចេកទេសនៃក្រសួងអភិវឌ្ឍន៍ជនបទ ព្រមទាំងមានការចូលរួមពីលោកអភិបាលស្រុកព្រះស្ដេច បានអញ្ជើញទៅពិនិត្យស្ថានភាពផ្លូវមួយខ្សែ ប្រវែង ១,៦គីឡូម៉ែត្រ ស្ថិតនៅក្នុងភូមិក្រូច និងភូមិស្នាយព្រីម ឃុំនគររាជ ស្រុកព្រះស្ដេច ខេត្តព្រៃវែង តាមការស្នើសុំរបស់ប្រជាពលរដ្ឋនៅតំបន់នោះ នាព្រឹកថៃ្ងអាទិត្យ ១១កើត ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៣ ខែតុលា ឆ្នាំ២០២៤។

ឯកឧត្ដមរដ្ឋមន្រ្ដី បានណែនាំឱ្យមន្ទីរអភិវឌ្ឍន៍ជនបទខេត្តព្រៃវែងចុះធ្វើការសិក្សា និងពិនិត្យលទ្ធភាពដើម្បីដាក់បញ្ចូលទៅក្នុងគម្រោងរបស់ក្រសួង ដោយសាងសង់ជាផ្លូវក្រាលកៅស៊ូពីរជាន់ DBST ឬជាផ្លូវបេតុង។ បន្ទាប់មក ឯកឧត្ដមរដ្ឋមន្រ្ដី និងប្រតិភូអមដំណើរ បានអញ្ជើញទៅពិនិត្យស្ថានភាពផ្លូវដែលសាងសង់ដោយសាច់ប្រាក់ពលកម្ម និងស្ពានឈើចំនួន ១កន្លែងមានប្រវែង ៣៦ម៉ែត្រ ទទឹង ៣,៥ម៉ែត្រ ស្ថិតនៅភូមិទួលវិហារ និងភូមិស្វាយយា ឃុំស្វាយយា ស្រុកស្វាយជ្រំ ខេត្តស្វាយរៀង។

សូមគូសបញ្ជាក់ផងដែរថា​ ស្ពាននេះសាងសង់អំពីឈើឆ្លងកាត់ព្រែករបោះព្រីងជាប់ព្រំប្រទល់ភូមិទួលវិហារ និងភូមិស្វាយយា ឃុំស្វាយយា ស្រុកស្វាយជ្រំ ខេត្តស្វាយរៀង មានសភាពទ្រុឌទ្រោម និងមានមានប្រជាពលរដ្ឋចំនួន ៥ភូមិ ឆ្លងកាត់ស្ពាននេះជាអចិន្រ្ដៃយ៍ គឺភូមិទួលវិហារ ភូមិរបោះព្រីង ភូមិក្តីស្លា ភូមិប្រម៉ា និងភូមិព្រៃបន្ទាយ សម្រាប់ក្មួយៗសិស្សានុសិស្សធ្វើដំណើរឆ្លងកាត់ទៅសាលាបឋមសិក្សាស្វាយយា និងអនុវិទ្យាល័យកៀនតាស៊ីវ អ្នកជំងឺទៅមន្ទីរពេទ្យ កម្មករទៅធ្វើការនៅរោងចក្រនិងការធ្វើចរាចរដឹកជញ្ជូនកសិផលរបស់ប្រជាពលរដ្ឋទៅកាន់ទីផ្សារនានាក្នុងខេត្តផងដែរ។

ឯកឧត្តមរដ្ឋមន្ត្រី បានផ្តល់អនុសាសន៍​ ឱ្យប្រធានមន្ទីរអភិវឌ្ឍន៍ជនបទខេត្តស្វាយរៀង សហការជាមួយមន្ទីរធនធានទឹក និងឧតុនិយម សិក្សា ដើម្បីមានលទ្ធភាពសាងសង់ជាស្ពាន ឬជាទំបន់បង្ហៀរ ជូនប្រជាពលរដ្ឋប្រើប្រាស់ ៕

(សូមអានបន្ត)

លោកអភិបាលស្រុកកោះធំហាក់បីដូចជាបំបាក់ស្មារតីអ្នកសារព័ត៌មានពេកហើយ ទុករយៈពេល២៤ ម៉ោង ឲ្យអ្នកសារព័ត៌មានមកបំភ្លឺនៅរដ្ឋបាលសាលាស្រុក...

 {ខេត្តកណ្ដាល}÷ បន្ទាប់ពីមានអង្គភាពសារព័ត៌មាន ជាច្រើន មានការចុះផ្សាយព័ត៌មានក្រោមចំណងជើងថា {លោកអភិបាលស្រុកកោះធំ ធ្វើរបាយការណ៍ភូតកុហកអភិបាលខេត្តកណ្តាលរឿងដណ្តើមតូបគ្នា } ។

  ថ្មីៗនេះគេឃើញមានលិខិតរបស់រដ្ឋបាលស្រុកកោះធំមួយច្បាប់អត់លេខ..បានចេញកាលពីថ្ងៃទី១៧ ខែតុលាឆ្នាំ ២០២៤ នេះថា សេចក្តីបំភ្លឺព័ត៌មាន  រដ្ឋបាលស្រុកកោះធំ សូមជម្រាបជូនដំណឹងដល់សាធារណៈជននិងប្រជាពលរដ្ឋទាំងអស់ឲ្យបានជ្រាបថា  កាលពីថ្ងៃទី ១៦ ខែតុលាឆ្នាំ ២០២៤ មានអង្គភាពសារព័ត៌មានចំនួនពីរបានធ្វើការផ្សព្វផ្សាយព័ត៌មាន  ពាក់ព័ន្ធករណីដណ្ដើមតូបរបស់អាជីវករលក់ដូរក្នុងផ្សារកោះធំ ស្ថិតក្នុងភូមិព្រែកថ្មី ឃុំព្រែកថ្មី  ដែលរដ្ឋបាលស្រុក បានចេញលិខិតមកនេះហាក់បីដូចជាផ្ទុយស្រឡះពីរ អត្ថបទរបស់អង្គភាពសារព័ត៌មានបានធ្វើការផ្សព្វផ្សាយនោះ ដោយផ្អែកលើឆន្ទៈរបស់រដ្ឋបាលថា ជាការចុះរៀបចំសណ្ដាប់ធ្នាប់ផ្លូវជុំវិញផ្សារ។

ក្នុងការចេញលិខិតរបស់រដ្ឋបាលស្រុកកោះធំបានផ្ទុយស្រឡះពីអង្គភាពសារព័ត៌មាន ដែលបានផ្សព្វផ្សាយនោះ  ក្នុងការសំណេរអត្ថបទផ្សព្វផ្សាយរបស់សារព័ត៌មាន គឺក្នុងខ្លឹមសារជាការដណ្ដើមតូបរវាងអាជីវករនិងអាជីវករតែប៉ុណ្ណោះ។  ដោយមិនបានការចុះផ្សាយទៅលើការរៀបចំសណ្ដាប់ធ្នាប់ផ្សារនោះឡើយ? អង្គភាពសារព័ត៌មានធ្វើការចុះផ្សាយដោយផ្អែកលើនិង យោងតាម  លិខិត រដ្ឋបាលខេត្ត  លេខ: ១២០៨ សជព  ជម្រាបជូនលោកអភិបាលនៃគណៈអភិបាលស្រុកកោះធំ  កណ្ដាលថ្ងៃទី ២៤ ខែកញ្ញាឆ្នាំ ២០២៤
 កម្មវត្ថុ: ស្ដីពីសំណើសុំជួយអន្តរាគមន៍ដោះស្រាយករណីឈ្មោះ កែវ កុសល និងឈ្មោះ សម្រស់ ជនជាតិឥស្លាម ដែលជាជីវករលក់ដូរក្នុងផ្សារកោះធំបានរំលោភបំពានចូលលក់ដូរក្នុងទីតាំងតូបរបស់ឈ្មោះ កើត ភូនិងឈ្មោះអ៉ឹម អូន យោងលិខិតចុះថ្ងៃទី ២០ ខែកញ្ញាឆ្នាំ ២០២៤ របស់ កើត ភូ និងឈ្មោះ អ៉ឹម អូន។

-ចំណារចុះថ្ងៃទី ២៣ ខែកញ្ញាឆ្នាំ ២០២៤ របស់ឯកឧត្តមអភិបាលនៃគណៈអភិបាលខេត្តកណ្ដាល។
ហត្ថលេខានិងត្រារបស់ នាយករដ្ឋបាល ជី ស៉ី វុត្ថា ។ 

អង្គភាពសារព័ត៌មានជាច្រើនអង្គភាព ព្រមទាំងមហាជនកំពុងតែមានការងើយឆ្ងល់ថា ចុះមូលហេតុអី បានជាលោកអភិបាលស្រុកកោះធំ ឆែ វណ្ណឌី មិនព្រមធ្វើការដោះស្រាយ ជូនប្រជាពលរដ្ឋ បែរជាមកក្តៅស្លឹកត្រចៀកដាក់អ្នកសារព័ត៌មានទៅវិញ?  ប្រហែលជាអង្គភាពសារព័ត៌មានបានផ្សាយចំ ចំណុចរសើបរបស់លោកអភិបាលស្រុកកោះធំ ឆែ វណ្ណឌី ទេដឹង ?

  ក្នុងនាមមន្ត្រីបម្រើរាស្ត្រ តើឱ្យរាស្ត្រសង្ឃឹមអ្វីទៅ នៅថ្ងៃខាងមុខ ?បើរឿងកំប៉ិចកំប៉ុកមិនដោះស្រាយ ដូចដែលពលរដ្ឋចង់បានផង អញ្ចឹងហើយបានជាប្រជាពលរដ្ឋរត់រកសារព័ត៌មានដើម្បី ជាព្រាបនាំសារជូនព័ត៌មានទៅដល់ថ្នាក់ដឹកនាំបានឃើញនូវអ្វីដែលជាការពិតនូវទុក្ខកង្វល់របស់ប្រជាពលរដ្ឋក្នុងមូលដ្ឋាន ។

ការចេញសេចក្តីប្រកាស និងទុកពេលត្រឹម២៤ម៉ោងពីសំណាក់រដ្ឋបាលស្រុកកោះធំមកលើសារព័ត៌មានចំនួន២អង្គភាពនេះ
ប្រហែលជាលោកអភិបាលស្រុកមិនបានដឹងអំពីច្បាប់ស្ដីពី របបសារព័ត៌មាននៅកម្ពុជា ទេដឹង? ហើយម្យ៉ាងវិញទៀត អ្នកសារព័ត៌មាននិងមន្ត្រីគឺជាក្រដាសប្រាក់តែមួយ  បើក្រដាសប្រាក់នោះមិនមានខ្សែដែក ក៏ក្រដាសប្រាក់នោះមិនអាចចាយបានដែរ?  ហើយលិខិតរបស់រដ្ឋបាលស្រុកកោះធំ គឺជាលិខិតបំភ្លឺរបស់រដ្ឋបាលស្រុកកោះធំតែប៉ុណ្ណោះ  មិនមែនលិខិតឱ្យអ្នកសារព័ត៌មានទៅបំភ្លឺនៅរដ្ឋបាលស្រុកកោះធំ ទេ។

 ខណៈដែលឈ្មោះ កើត ភូ និងឈ្មោះ អ៊ឹម អូន បានដាក់ពាក្យបណ្តឹងស្នើសុំអន្តរាគមន៍ទៅ ឯកឧត្តម គួច ចំរើន អភិបាលខេត្តកណ្តាល ដើម្បីឱ្យជួយដោះស្រាយរឿង ឈ្មោះ កែវ កុសល និង ឈ្មោះ សម្រស់ បានរំលោភបំពាន ដណ្តើមយកតូបលក់ដូររបស់ពួកគាត់។

ប៉ុន្តែលោក ឆែ វណ្ណឌី អភិបាលស្រុកកោះធំមិនធ្វើការដោះស្រាយរឿងវិវាទតូបលក់ដូរទេ បែរជានិយាយពីរឿងរៀបចំសណ្តាប់ធ្នាប់នៅលើផ្លូវលេខ២១ទៅវិញ ទើបធ្វើឱ្យម្ចាស់តូបឈ្មោះ កើត ភូ និងប្រពន្ធឈ្មោះ អ៊ឹម អូន ធ្វើការស្នើសុំឱ្យសារព័ត៌មានធ្វើការផ្សព្វផ្សាយឱ្យថ្នាក់ដឹកនាំខាងលើជួយអន្តរាគមន៍ ដោះស្រាយនិងជួយរកយុត្តិធម៌ជូនពួកគាត់ម្ចាស់តូប ដែលរងនូវភាពអយុត្តិធម៌។

✓អង្គភាពយើងខ្ញុំធ្វើការផ្សព្វផ្សាយ ដោយយោងតាម លិខិតរបស់ប្រជាពលរដ្ឋ និងអាជ្ញាធរតែប៉ុណ្ណោះ  មិនបានបំពានសិទ្ធិអ្នកដទៃ មិនបំភ្លៃការពិតនោះឡើយ៕
អត្ថបទដោយ: ខ្លឹមមាន

 លោកអភិបាលស្រុកកោះធំហាក់បីដូចជាបំបាក់ស្មារតីអ្នកសារព័ត៌មានពេកហើយ ទុករយៈពេល២៤ ម៉ោង ឲ្យអ្នកសារព័ត៌មានមកបំភ្លឺនៅរដ្ឋបាលសាលាស្រុក..

(សូមអានបន្ត)

ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន យុវនីតិសម្បទា និងលោកជំទាវបានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រណាំងទូកងនៅខេត្តព្រៃវែង

{ព្រៃវែង}៖ ពិធីប្រណាំងទូកងនៅខេត្តព្រៃវែងក្រោមអធិបតីភាពដ៏ខ្ពង់ខ្ពស់ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន យុវនិតិសម្បទា និងលោកជំទាវ ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងឯកឧត្តម សួន សុម៉ាលីន អភិបាលខេត្តព្រៃវែង និងលោកជំទាវដែលមានការអញ្ជើញចូលរួមពីឯកឧត្តម-លោកជំទាវជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង អភិបាលក្រុង ស្រុកប្រធានមន្ទីរ អង្គភាពជុំវិញខេត្តមន្ត្រីរាជការក្នុងខេត្តបានចូលរួមផងដែរជាពិសេសបានចូលរួមពីសំណាក់ប្រជាពលរដ្ឋនៅក្នុងខេត្តយ៉ាងច្រើនសន្ធឹកសន្ធាប់ផងដែរមកលើកទឹកចិត្តទូកមកពីបណ្តាក្រុងស្រុករបស់ខ្លូនផងដែរ។

ឯកឧត្តម ជា សុមេធី ក៏បានមានប្រសាសន៍លើកឡើងថា សូមឱ្យកីឡាករទាំងអស់ត្រូវខិតខំប្រឹងប្រែងឱ្យអស់ពីសមត្ថភាពដើម្បីដណ្ដើមយកជ័យលាភីចំណាត់ថ្នាក់ល្អជូនដល់ទូករបស់ខ្លួន កីឡាករនាំមកនូវមិត្តភាព សាមគ្គីភាពសុខភាពល្អ កីឡារស់នៅក្នុងសន្តិភាពដូច្នេះសូមនាំគ្នាថែរក្សានូវសុខសន្តិភាពសមិទ្ធផលដែលមាននិងកសាងនូវសមិទ្ធផលថ្មីជាបន្តបន្ទាប់ទៀត។

សូមបញ្ជាក់ផងដែរថា ទូកង ខ្នាតអន្តរជាតិទាំងអស់ចំនួន ៤៧ទូក ក្នុងនោះចំណុះពិត ១០៣៤នាក់ ចំណុះត្រៀម ២៨២នាក់ និងទូកងខ្នាតវែងសរុបទាំងអស់ចំនួន ១៦ទូកដែលមានចំណុះពិត ១១៩៣នាក់ ចំណុះត្រៀម ២៣០នាក់។ ទូកងសរុបទាំងខ្នាតវែង និងខ្នាតអន្តរជាតិ មានចំនួន ៦៣ទូកដែលមានចំណុះពិតនិងចំណុះត្រៀមសរុបទាំងអស់ចំនួន ២៧៤៩។ ចំពោះដំណើរការនៃការប្រណាំងមានរយៈពេល ២ថ្ងៃគឺថ្ងៃទី១៦ អុំចំនួន ៤ជើង។ ព្រឹកអុំចំនួនពីរជើង ប្ដូរខ្សែទឹក និងពេលរសៀលអុំចំនួន ២ជើងប្ដូរខ្សែទឹកដូចគ្នានឹងថ្ងៃទី១៧ គឺអុំចំនួនមួយជើងនិងពេលរសៀលអុំមួយជើងទៀតដោយប្ដូរខ្សែទឹកដាច់ព្រាត់បិទកម្មវិធី។

(សូមអានបន្ត)

លោកអភិបាលស្រុកកោះធំ ធ្វើរបាយការណ៍ភូតកុហកអភិបាលខេត្តកណ្តាល រឿងដណ្តើមតូបគ្នា!!!

 {ខេត្តកណ្តាល} ៖ អភិបាលស្រុកកោះធំ លោក ឆែ វណ្ណឌី ត្រូវបានប្រជាពលរដ្ឋចោទថា បានធ្វើរបាយការណ៍ភូតកុហក ឯកឩត្តម គួច ចំរើន អភិបាលខេត្តកណ្តាល ពាក់ព័ន្ធវិវាទទំនាស់រឿងចូលបំពានកាន់កាប់តូបលក់ដូរនៅក្នុងផ្សារកោះធំ ។ នេះបើយោងតាមប្រភពព័ត៌មានពីមន្ត្រីនៅក្នុងការិយាល័យអន្តរវិស័យខេត្តកណ្តាល ។ មន្ត្រីរូបនោះបាននិយាយថា ក្រោយពេលម្ចាស់បណ្តឹងឈ្មោះ កើត ភូ និងឈ្មោះ អុឹម អូន បានដាក់ពាក្យប្តឹងសុំអន្តរាគមន៍មកដល់សាលាខេត្ត ឯកឩត្តម គួច ចំរើន អភិបាលខេត្តកណ្តាលបានចាត់អោយអភិបាលស្រុកកោះធំដោះស្រាយរួចរាយការណ៍មកខេត្តវិញ ។ ប៉ុន្តែបើយោងតាមភាគីសាមីដើមបណ្តឹងបានអោយដឹងថា ពួកគាត់មិនទាន់ទទួលបានការកោះអញ្ជើញទៅដោះស្រាយនៅឡើយតាំងពីបានដាក់ពាក្យប្តឹងទៅសាលាខេត្តកណ្តាលកាលពីថ្ងៃទី២០ ខែកញ្ញា ឆ្នាំ២០២៤ មកម្លេះ ខណៈដែលអភិបាលស្រុកកោះធំ លោក ឆែ វណ្ណឌី បានធ្វើរបាយការណ៍ដាក់ទៅសាលាខេត្តរាយការណ៍ជូនឯកឩត្តមអភិបាលខេត្តថា រដ្ឋបាលស្រុកបានកោះអញ្ជើញគូភាគីជួបគ្នាធ្វើការសម្របសម្រួលដោះស្រាយរួចហើយនោះ ។

យោងតាមពាក្យបណ្តឹងសុំអន្តរាគមន៍របស់ឈ្មោះ កើត ភូ និងឈ្មោះ អុឹម អូន បាននិយាយថា  ទីតាំងតូបលក់ដូរដែលត្រូវ ឈ្មោះ កែវ កុសល និងឈ្មោះ សម្រស់  កំពុងលក់ដូរសព្វថ្ងៃ គឺជាតូបលក់់ដូររបស់ពួកគាត់ទេ ។ ឈ្មោះ កែវ កុសល និងឈ្មោះ សម្រស់  បានរំលោភបំពានចូលលក់ដូរនៅទីតាំងនេះ ខណៈពេលដែលក្រុមគ្រួសារគាត់ មានធុរៈផ្អាកលក់ដូរមួយរយៈខ្លី ដោយសារឈ្មោះ កើត ភូ មានជម្ងឺជាទម្ងន់ ហើយត្រូវប្រពន្ធកូននាំយកទៅព្យាបាលនៅប្រទេសវៀតណាមក្រោយពីបញ្ជប់ជម្ងឺកូវីដ-១៩ ។

ឈ្មោះ កើត ភូ និងឈ្មោះ អុឹម អូន បានបញ្ជាក់ថា កាលពីឆ្នាំ២០១៩ (កូវីដ- ១៩) បានឆ្លងចូលក្នុងប្រទេសកម្ពុជា អាជ្ញាធរបានអោយអាជីវករក្នុងផ្សារកោះធំ ព្រមទាំងពួកគាត់ចេញមកលក់ដូរខាងក្រៅផ្សារនៅតាមចញ្ចើមផ្លូវមុខផ្សារ ។ លុះក្រោយបញ្ចប់កូវីដ-១៩ ក្នុងឆ្នាំ២០២០ គណៈកម្មការផ្សារបានកែលម្អ ផ្សារឆ័ត្រកន្លែងចំណតឡានម៉ូតូ ដោយធ្វើដំបូលតាមរយៈបង់វិភាគទាន ក្នុងនោះពួកគាត់បានចូលរួមបង់ប្រាក់ចំនួន៣០០ដុល្លារផងដែរ ។  គណៈកម្មការផ្សារក៏បានបែងចែកទីតាំងតូបអោយខ្ញុំបាទនាងខ្ញុំនៅទីតាំងដែលឈ្មោះ កែវ កុសល និងឈ្មោះ សម្រស់ កំពុងលក់សព្វថ្ងៃ។ ហើយការបែងចែកទីតាំងតូបអោយពួកគាត់   អាជីវករក្នុងផ្សារកោះធំសុទ្ធតែបានដឹងលឺទាំងអស់គ្នា ។ បន្ទាប់ពីក្រុមគ្រួសារត្រលប់មកពីប្រទេសវៀតណាមវិញ ស្រាប់តែឃើញឈ្មោះ កែវ កុសល និងឈ្មោះ សម្រស់ បានរំលោភបំពានចូលលក់ដូរក្នុងទីតាំងតូបរបស់គាត់ ខណៈដែលពួកគាត់មិនបានលក់ដូរមួយរយៈខ្លីសោះ ។ ក្រោយមកគាត់ក៏បានប្រាប់ទៅឈ្មោះអាជីវករទាំងពីរខាងលើ អោយចេញពីទីតាំងលក់ដូររបស់គាត់ ប៉ុន្តែទោះជាប្រាប់យ៉ាងណាក៏ដោយ ក៏អ្នកទាំងពីរមិនព្រមចេញរហូតធ្វើអោយរូបគាត់ពីនាក់ប្តីប្រពន្ធមានការទាល់ច្រកដោយមិនមានកន្លែងលក់ដូរ ទើបសម្រេចចិត្តធ្វើ រ៉ឺម៉កម៉ូតូដឹកជញ្ជូនទំនិញទៅដាក់ទីតាំងលក់នៅលើចិញ្ចើមផ្លូវខាងមុខតូបរបស់ខ្លួន ទាំងបង្ខំចិត្ត ។ បន្ទាប់មកពួកគាត់ក៏បានដាក់ពាក្យប្តឹងសុំអោយអាជ្ញាធរស្រុកកោះធំជួយដោះស្រាយដេញឈ្មោះ កែវ កុសល និងឈ្មោះ សម្រស់ អោយឈប់លក់ដូរនៅទីតាំងតូបរបស់គាត់ ប៉ុន្តែអាជ្ញាធរស្រុកហាក់គេចវេសមិនដោះស្រាយ ចេះតែរុញដាក់គ្នាម្តងអោយគាត់ទៅជួបអ្នកនេះ អ្នកនោះ ហើយមិនត្រឹម មិនដោះស្រាយនោះទេ ថែមទាំងមកដេញឈប់អោយគាត់លក់នៅចិញ្ចើមផ្លូវខាងមុខតូបរបស់គាត់ ដោយក្រោមលេសរៀបចំសណ្តាប់ធ្នាប់ ។ ពីព្រោះបើគាត់លក់ដូរលើចិញ្ចើមផ្លូវចំពីមុខតូបគាត់ គឺបាំងមុខអ្នករំលោភបំពានកាន់កាប់យកតូបពួកគាត់នេះឯង ។

ឈ្មោះ កើត ភូ និងឈ្មោះ អុឹម អូន បានបន្តអោយដឹងទៀតថា ចំពោះការកាន់កាប់តូបលក់ដូររបស់តាំងពីយូរមក ក្រុមអាជីវករលក់ដូរនៅក្នុងផ្សារកោះធំក៏បានដឹងដែរ ហើយក្រុមអាជីវករមួយចំនួនក៏បាននាំគ្នា ផ្តិតមេដៃធ្វើជាសាក្សីស្នើសុំអោយ លោកអភិបាលខេត្តកណ្តាលជួយអន្តរាគមន៍ដោះស្រាយផ្តល់យុត្តិធម៌អោយគាត់ទៀតផង ។

ពាក់ព័ន្ធនឹងការលើកឡើងរបស់អ្នកលក់ដូរពីរនាក់ប្តីប្រពន្ធខាងលើនេះ «លោក ឆែ វណ្ណឌី អភិបាលស្រុកកោះធំបានឱ្យដឹងនៅល្ងាចថ្ងៃទី១៥ ខែតុលា ឆ្នាំ២០២៤ នេះថា រឿងលក់នៅលើថ្នល់ជាតិ គាត់ធ្លាប់មានក្រដាស់កិច្ចសន្យាលក់ដូរប៉ុនបាតដៃពីផ្សារមុនលោកមកកាន់តំណែងទៀត សុំលក់ដូរ ។ លោកថាក្រោយពីអនុវត្តន៍តាមអនុសាសន៍របស់ឯកឧត្តមអភិបាលខេត្តកណ្តាល ឱ្យលោករៀបចំសណ្តាប់ធ្នាប់ លោកក៏បានធ្វើការរៀបចំ ឱ្យមានរបៀបរៀបរយនៅផ្សារកោះធំវិញ និងហាមលក់ដូរនៅលើថ្នល់ អីផ្សេងៗទាំងអស់ ងាយស្រួលក្នុងការចរាចរណ៍ម៉ូតូ ក៏ដូចជាងាយស្រួលក្នុងការប្រមូលយកសំរាមយឺតយ៉ាវ ហើយអ្នកប្រមូលសំរាមពិបាកចូលយក ចឹងក៏លោករៀបចំសណ្តាប់ធ្នាប់តែម្តងទៅ គឺលោករៀបចំទាំងអស់ទាំងអ្នកលក់ដូរនៅលើថ្នល់ជាតិលេខ២១អីនឹង ។ ហើយគាត់ក៏យកក្រដាសប៉ុនបាតដៃ និងថាជាលិខិតអនុញាតិឱ្យមានការលក់ដូរ ។ មិនមានអ្នកណាអនុញាតិឱ្យលក់ដូរនៅលើផ្លូវជាតិនោះទេ ។ លោកក៏បានបកស្រាយទៅជូនឯកឧត្តមអភិបាលខេត្តកណ្តាល មានកត់ត្រា និងរូបភាពរួចរាល់ហើយដែរ និងមានឯកសារធ្វើកិច្ចសន្យាចំនួន៣ដងតម្កល់ទុកនៅសាលាស្រុកថែមទៀតផង។ »

ការលើកឡើងរបស់ លោកអភិបាលស្រុកកោះធំរូបនេះ បានធ្វើអោយសាមីដើមបណ្តឹងសុំអន្តរាគមន៍ និងប្រជាពលរដ្ឋជាអាជីវករលក់ដូរនៅក្នុងផ្សារកោះធំកាន់តែហួសចិត្តយ៉ាងខ្លាំង ខណៈពួកគាត់បានទទួលស្គាល់ថា ការរៀបចំសណ្តាប់ធ្នាប់របស់អាជ្ញាធរគឺពិតជាត្រឹមត្រូវ ពួកគាត់គាំទ្រ ។ ប៉ុន្តែអ្វីដែលពួកគាត់ហួសចិត្តនោះ គឺការដឹកនាំមិនមានទំនួលខុសត្រូវក្នុងការដោះស្រាយរកយុត្តិធម៌ជូនប្រជាពលរដ្ឋ ការដឹកនាំហាក់មានទំនោបក្សពួកនិយម ពីព្រោះពួកគាត់ដឹងថា អាជីវករពីរនាក់ដែលរំលោភចូលកាន់កាប់លក់ដូរទីតាំងតូបរបស់គាត់នោះ គឺបានជួលទីតាំងតូបរបស់ឈ្មោះ វួចលី និងឈ្មោះ សារ៉ាឌី ដែលមានខ្សែជាអភិបាលរងស្រុកកោះធំ និងម្នាក់ទៀតមានខ្សែជាមេបញ្ជាការរងប៉េអឹមក្រុងតាខ្មៅ ។ ពីព្រោះតូបរបស់ឈ្មោះ វួចលី និងឈ្មោះ សារ៉ាឌី នៅខាងក្នុងផ្សារឯណោះទេ បែរជាមកដាក់តាំងលក់ទំនិញនៅក្នុងតូបរបស់ប្តីប្រពន្ធឈ្មោះ កើត ភូ និងឈ្មោះ អុឹម អូន ទៅវិញ ។ ទោះជាយ៉ាងនេះក្តី ប្រជាពលរដ្ឋនៅតែទទូចស្នើសុំ ឯកឩត្តម គួច ចំរើនអភិបាលខេត្តកណ្តាលមេត្តាជួយដោះស្រាយរកយុត្តិធម៌ជូនពួកគាត់ផង។

អង្គភាពសារព័ត៌មានយើងខ្ញុំគ្រាន់តែជាកញ្ចក់ឆ្លុះបញ្ជាំង ពីបញ្ហាសង្គម និងជាអ្នកនាំដំណឹង ឬនាំសារ ពីប្រជាពលរដ្ឋទៅថ្នាក់ដឹកនាំរាជរដ្ឋាភិបាល និងពីថ្នាក់ដឹកនាំរាជរដ្ឋាភិបាល មកប្រជាពលរដ្ឋវិញ ឬរាយការណ៍ជួនដល់ប្រមុខថ្នាក់ដឹកនាំអោយលោកបានជ្រាបនៅរាល់បញ្ហា អសកម្មផ្សេងៗមួយចំនួន! ឬរិះគន់ក្នុងន័យស្ថាបនាតែប៉ុណ្ណោះ ។

អង្គភាពសារព័ត៌មានយើងពុំមានចេតនា ណាមួលបង្កាច់ ឬជាន់ពន្លិច ស្ថាប័ន ណាមួយឡើយ។ ដែលបណ្ដាសារព័ត៌មានយើងខ្ញុំសូមរងចាំទទួលនូវរាល់ការបកស្រាយ ពីសាមុីខ្លួនពាក់ព័ន្ធ បើមានព្រឹត្តិកម្មណាមួយនោះ។ ដោយយោងតាមច្បាប់ស្ដីពីរបបសារព័ត៌មាន នៃព្រះរាជាណាចក្រកម្ពុជា៕ 

  

អត្ថបទ÷សេង សុខេង.ស.៦

(សូមអានបន្ត)