អបអរសាទរ សង្រ្កាន្តអូររាំងឪ! សួស្ដីឆ្នាំថ្មី ឆ្នាំរោង ឆស័ក ព.ស ២៥៦៧ គ.ស ២០២៤

 

    អបអរសាទរ សង្រ្កាន្តអូររាំងឪ!

សួស្ដីឆ្នាំថ្មី ឆ្នាំរោង ឆស័ក ព.ស ២៥៦៧ គ.ស ២០២៤

អូររាំងឪ៖ រដ្ឋបាលស្រុកអូររាំងឪ បានប្រកាសរៀបចំ សង្រ្កាន្តអូររាំងឪ ក្នុងបរិវេណ ឧទ្យានទន្លេស្ងួត ស្ថិតនៅភូមិថ្នល់កែង ឃុំព្រះធាតុ ស្រុកអូររាំងឪ ខេត្តត្បូងឃ្មុំ ក្រោមគំនិតផ្ដួចផ្ដើមដ៏ខ្ពង់ខ្ពស់របស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និងជាប្រធានក្រុមការងារគណបក្សមូលដ្ឋានស្រុកអូររាំងឪ និងស្រុកពញាក្រែក។

ដើម្បីអបអរសាទរទេវតាឆ្នាំថ្មី ព្រះនាម  មហោទរាទេវី រដ្ឋបាលស្រុកអូររាំងឪ រួមសហការជាមួយ សហព័ន្ធសហព័ន្ធយុវជនកម្ពុជាខេត្តត្បូងឃ្មុំ បានរៀបចំកម្មវិធីសង្ក្រាន្ត រយៈពេល០៥ថ្ងៃ ចាប់ពីថ្ងៃទី១២ រហូតដល់ថ្ងៃទី១៦ ខែមេសា ឆ្នាំ២០២៤ ក្នុងគោលបំណងបង្ករភាពសប្បាយរីករាយ ជូនប្រជាពលរដ្ឋ បងប្អូន យុវជន យុវតី ក្នុងស្រុកអូររាំងឪ និងតំបន់ផ្សេងៗទៀត នូវសិល្បៈ វប្បធម៌ ល្បែងប្រជាប្រិយ ការប្រគុំតន្ត្រី ដោយមានតារាចម្រៀងល្បីៗ ដើម្បីជាការកម្សាន្តសប្បាយ និងមានការតាំងពិព័រណ៍ផលិតផលក្នុងស្រុក និងស្ដង់ចំណីអាហារគ្រប់មុខទៀតផង។

សូមបញ្ជាក់ផងដែរថា សួនឧទ្យានទន្លេស្ងួត ជាទីតាំងប្រវត្តិសាស្ត្របូរាណមួយកន្លែងក្នុងព្រះរាជាណាចក្រកម្ពុជា ស្ថិតក្នុងស្រុកអូររាំងឪ ខេត្តត្បូងឃ្មុំ រដ្ឋបាលស្រុកអូររាំងឪ សូមប្រកាស អញ្ជើញបងប្អូន ប្រជាពលរដ្ឋ គ្រប់ទិសទី ចូលរួមរីករាយ កម្សាន្ត ឱ្យបានច្រើនកុះករ។

(សូមអានបន្ត)

ឯកឧត្តម ង៉ូវ បូរីណា បានដឹកនាំកិច្ចប្រជុំ និងពិនិត្យវឌ្ឍនភាពការងាររៀបចំសង្ក្រាន្តអូររាំងឪ ឆ្នាំ២០២៤

ត្បូងឃ្មុំ​÷ ក្នុង​បរិវេណ​សាលាស្រុក​អូររាំងឪ​ នៅរសៀលថ្ងៃទី២៩ ខែមីនា ឆ្នាំ២០២៤ ឯកឧត្តម ង៉ូវ បូរីណា រដ្ឋលេខាធិការ​ក្រសួង​បរិស្ថាន​ និងជា​អនុប្រធានទី២​ ក្រុមការងារ​គណបក្ស​ប្រជាជន​កម្ពុជា​ចុះ​មូលដ្ឋាន​ស្រុក​អូររាំងឪ​ បានដឹកនាំកិច្ចប្រជុំពិ​ និងពិនិត្យវឌ្ឍនភាពការងាររៀបចំសង្ក្រាន្តអូររាំង​ឪ​ ក្នុងឱកាសបុណ្យចូលឆ្នាំប្រពៃណីជាតិខ្មែរខាងមុខ ដើម្បីរៀបចំផែនការ បែងចែកការងារ ទទួលបន្ទុករៀបចំកម្មវិធីសង្ក្រាន្ត និងវិធានការពង្រឹងសន្តិសុខ សណ្ដាប់ធ្នាប់សាធារណៈជូនថ្នាក់ដឹកនាំ និងប្រជាពលរដ្ឋ ដែលមកចូលរួម ដើរលេងកម្សាន្ត ក្នុងពិធីសង្ក្រាន្តឆ្នាំថ្មីប្រពៃណីខ្មែរដែលប្រព្រឹត្តទៅចាប់ពីថ្ងៃទី១២ ខែមេសា ឆ្នាំ២០២៤ ខាងមុខ ក្នុង​បរិវេណ​ឧទ្យាន​ទន្លេស្ងួត ស្ថិតនៅភូមិថ្នល់កែង ឃុំព្រះធាតុ ស្រុកអូរាំងឪ ខេត្តត្បូងឃ្មុំ ។

ក្រោយបញ្ចប់ពីកិច្ចប្រជុំ ឯកឧត្តម ង៉ូវ បូរីណា បានដឹកនាំក្រុមការងាររៀបចំកម្មវិធីសង្ក្រាន្ត បានចុះត្រួតពិនិត្យ នៅទីតាំងផ្ទាល់ នៅសួនឧទ្យានទន្លេស្ងួត ដែលជាទីតាំងប្រារព្ធពិធីសង្ក្រាន្តឆ្នាំថ្មីប្រពៃណីខ្មែរ ឯកឧត្តម បានចង្អុលបង្ហាញណែនាំក្រុមការងារ​ ដេីម្បី​រៀបចំ​មាន​លក្ខណៈ​ជា​ប្រពៃណី​ វប្បធម៌​ និង​សាសនា​​ ដូចជា​ ល្បែង​ប្រជាប្រិយ​ខ្មែរ​ របាំ​ ពួនភ្នំខ្សាច់​ ស្រង់​ព្រះ​ ព្រមទាំង​បានចាត់​ចែង​ទីលាន​រាំចង្វាក់​ម៉ាឌីហ្សុន​ ដែល​នឹង​ចូលរួម​រាំ​ដោយ​ក្រុម​យុវជន​ សសយក​ ស្រុកអូររាំងឪ​ ចំនួន​ ១០០០នាក់​ ជា​ការ​រំលែក​នូវ​ ឯកត្តកម្ម​ពិភពលោក​ ដែល​កម្ពុជា​ធ្លាប់​ទទួល​បានកាលពី​ពេល​កន្លង​ទៅ​​ និង​មាន​ការ​ដាក់​តាំង​ពិព័រណ៍​នូវ​ផលិតផល​ក្នុង​ស្រុក​អូររាំងឪ​ ព្រមទាំង​សួនផ្កា​ស្បៃលឿង​ ១លាន​គុម្ព​ផងដែរ នឹង​ជាពិសេស​ការរៀបចំដោយ​ស្មារតី​ខ្ពស់​នូវ​សន្ដិសុខ​ សណ្ដាប់ធ្នាប់​ ជា​ពិសេស​ការអនាម័យ ជូនដល់ថ្នាក់ដឹកនាំនិងបងប្អូនប្រជាពលរដ្ឋដែលមកលេងកម្សាន្ត។

គូសបញ្ជា​ក់​ផងដែរ​ថា​ សង្ក្រាន្ត​អូររាំងឪ​ ដែល​រៀបចំ​ដេីម្បី​អបអរសាទរ​ទេវតា​ឆ្នាំ​ថ្មី​ ឆ្នាំ​រោង​ ឆស័ក​ នៅឆ្នាំ​២០០៤​ នេះ​ គឺមាន​លក្ខណៈ​ទ្រង់ទ្រាយ​ធំ​ មាន​រយៈ​ពេល​ ០៥​ ថ្ងៃ​ ចាប់​ពី​ទី១២​ រហូត​ដល់​ថ្ងៃ​ទី​១៦​ ខែមេសា​ ដែលផ្ដល់​ឱកាស​ និង​បរិយាកាស​រីករាយ​ជូន​ប្រជាពលរដ្ឋ​ ចូលលេង​កម្សាន្ត​ប្រមាណ​ជិត​ ៨​ ម៉ឺន​នាក់​ ដោយ​កម្មវីធី​មាន​ការប្រគំតន្រ្តី​ខ្នាត​ធំ​ មានតារា​ចម្រៀង​ល្បី​ ដូច​ជា​ កញ្ញា​ រ៉ាប៊ី​ លោក​ ឈឿន​ ឧត្តម​ លោក​ សុះមាច​ លោក​ នេនទុំ​ លោក​ សាំង​ សាត់​ធូដេ​ និង​តារា​ចម្រៀង​ជា​ជាច្រើន​រូបទៀត​ផងដែរ​។

(សូមអានបន្ត)

ឯកឧត្តម អ៊ាង ផល្លា អញ្ជើញជាអធិបតីភាពប្រកាសសមាសភាពក្រុមការងាររាជរដ្ឋាភិបាលចុះមូលដ្ឋានតាមបណ្ដាឃុំ ស្រុកអូររាំងឪ ខេត្តត្បូងឃ្មុំ

ត្បូងឃ្មុំ ÷ នាព្រឹកម្សិលមិញ​ ត្រូវ​នឹង ថ្ងៃសុក្រ ទី២៩ ខែមីនា ឆ្នាំ ២០២៤ ឯកឧត្តម​ អ៊ាង​ ផល្លា​ រដ្ឋលេខាធិការ​ ក្រសួង​ទូរគមនាគមន៍​ និង​ប្រៃសនីយ៍​ និង​ជា​អនុប្រធានទី១​ ក្រុមការងាររាជរដ្ឋាភិបាលចុះមូលដ្ឋានស្រុកអូរាំងឪ ខេត្តត្បូងឃ្មុំ បានអញ្ជើញជាអធិបតីភាពក្នុងពិធីប្រកាសសមាសភាពក្រុមការងាររាជរដ្ឋាភិបាលចុះមូលដ្ឋាន តាមបណ្ដាឃុំ ស្រុកអូរាំងឪ ខេត្តត្បូងឃ្មុំ ដោយមានការចូលរួមពី ឯកឧត្តម អនុប្រធាន សមាជិក សមាជិកា នៃក្រុមការងារចំណុះស្រុកអូរាំងឪ ដែលប្រព្រឹត្តនៅបរិវេណសាលាស្រុកអូររាំងឪ។

ក្នុងពិធីប្រកាសសមាសភាពនេះ ឯកឧត្តម បានការ​សំណេះសំណាល​ សួរសុខទុក្ខ  និងបានថ្លែងអំណរគុណដល់ក្រុមការងារចុះមូលដ្ឋានព្រមទាំង  សមាជិក សមាជិកា ចំណុះស្រុកអូររាំងឪ ដែលខិតខំប្រឹងប្រែងក្នុងការអនុវត្តនូវ តាមគោលនយោបាយ របស់រាជរដ្ឋាភិបាល ដែលបានដាក់ចេញ និងយុទ្ធសាស្ត្របញ្ចកោណដំណាក់កាលទី១ ព្រមទាំងការបង្កើតក្រុមការងារចុះមូលដ្ឋាន ដើម្បីបម្រើផលប្រយោជន៍ប្រជាពលរដ្ឋ និងចូលរួមលើកកម្ពស់សេដ្ឋកិច្ចជាតិ។

(សូមអានបន្ត)

ប្រជាពលរដ្ឋខ្មែរជាច្រើនកំពុងតែបានមេខ្យល់ជម្លៀសឆ្លងដែនដោយខុសច្បាប់ស្ទើរតែរាល់ថ្ងៃ ហាក់បីដូចជាមិនមានការរំខានដល់អាជ្ញាធរឬសមត្ថកិច្ចពាក់ព័ន្ធទាល់តែសោះ...!

{ខេត្តបាត់ដំបង}÷ ពលករខ្មែរជាច្រើនកំពុងត្រូវបានមេខ្យល់នាំជម្លៀសឆ្លងដែនដោយខុសច្បាប់ក្នុងស្រុកសំពៅលូន ខេត្តបាត់ដំបង កាលពីពេលថ្មីៗកន្លងមកនេះ អង្គភាពសារព័ត៌មានយើងបានសង្កេតឃើញថា÷ មានពលករខ្មែរ ជាច្រើនត្រូវបានធ្វើដំណើរមកទឹកដីស្រុកសំពៅលូន ដើម្បីធ្វើការទំនាក់ទំនងទៅមេខ្យល់ នាំឆ្លងដែនតាមច្រករបៀងព្រៃធម្មជាតិជារៀងរាល់ថ្ងៃ  ជាក់ស្ដែង នៅថ្ងៃ២៧ ខែមិនា ឆ្នាំ២០២៤ នេះនៅច្រករបៀងចំណុច៩៩ ស្ថិតក្នុងភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង។

 អ្នកសារព័ត៌មានបានចុះផ្តិតយករូបភាព សកម្មភាពពលករខ្មែរជាច្រើនអ្នកកំពុងធ្វើដំណើរឆ្លងដែនចូលប្រទេសថៃ តាមមេខ្យល់ស្ទើតែរាល់ថ្ងៃ នេះបើតាមប្រភពពីពលរដ្ឋបានឲ្យដឹងថា នៅចំណុចពលករខ្មែរឆ្លងដែនខាងលើគឺមានកម្លាំងសមត្ថកិច្ចប្រចាំការផងដែរ តែហាក់បីដូចជាមើលមិនឃើញ រឺត្រូវបានទទួលអាំងប៉ាវហើយទេដឹងបានជាមិនមានវិធានការច្បាប់។

មហាជនរងចាំមើលថាតើសមត្ថកិច្ចដែលឈរជើងនៅតាមខ្សែបន្ទាប់ព្រំដែននិងមានប្រធានការយ៉ាងណាចំពោះពលករចំណាកស្រុកដែលធ្វើឲ្យពួកគាត់រកដេកពួនពុំបានស្ទើរតែរាល់ថ្ងៃនៅពេលយប់កណ្ដាលអាធ្រាតនោះ។

ប្រជាពលរដ្ឋជាច្រើនបាទសូមសំណូមពរដល់លោកហម សំខាន់អភិបាលស្រុកសំពៅលូន មេត្តាជួយទប់ស្កាត់នូវមេខ្យល់ដែលនាំពលករចេញចំណាក់ស្រុកក្រៅប្រទេសដែលខុសច្បាប់នេះផងទាន ។

(សូមអានបន្ត)

កាន់​ប្លែក​ បែកធ្លាយ​ ក្រុមការងារចុះជួយឃុំសំបុក ស្រុកចិត្របុរី បែរជា​មកជួបសំណេះសំណាលជាមួយប្រជាពលរដ្ឋជាសមាជិកបក្សនៅ ភូមិ ត្រពាំងឈូក ឃុំឃ្សឹម ស្រុកស្នួល ទៅវិញ​ តើមានគោលបំណងអ្វីឲ្យពិតប្រាកដ...!

{ខេត្តក្រចេះ}÷​ ទឹកអូរ​ ហូរចូលទឹកទន្លេ​ ព្រោះហេតុអ្វ? កាលពីថ្ងៃទី១៣ ខែមីនា ឆ្នាំ២០២៤ មានក្រុមការងារមួយក្រុមបានធ្លាក់មកពីលើមេឃ មកចំចំណុចផ្ទះលោក ភួង រ៉ា (ប្រជាពលរដ្ឋ) ស្ថិតនៅ ភូមិត្រពាំងឈូក ឃុំឃ្សឹមស្រុកស្នួល ខេត្តក្រចេះ ក្រុមអះអាងថា ជាក្រុមការងារគណបក្សប្រជាជនកម្ពុជា ចុះជួយឃុំសំបុក ស្រុកចិត្របុរី ដែលមានលោក សុខ ហេងសុម៉ាលី ជាអ្នកសម្របសម្រួល និង អះអាងថាក្រុមការងារចុះជួយឃុំសំបុក ដែលមានឯកឧត្តម សម សាវុធ ជាប្រធាន ហើយគាត់អះអាងទៀតថាជាមន្ត្រី គណបក្សធ្វើការនៅ គ.៨៥ ផងដែរ។ ខណៈឯកឧត្តម សម សាវុធ ប្រធានក្រុមការងារគណបក្សចុះមូលដ្ឋាន ឃុំសំបុក ស្រុកចិត្តបុរី ខេត្តក្រចេះ លោកបានបដិសេធថាលោកមិនបានដឹង និងជាប់ពាក់ព័ន្ធក្នុងការជួបជុំនោះទេ តើក្រុមការងារមួយក្រុមដែលធ្លាក់មកពីលើមេឃ ធ្វើនេះមានគោលបំណងអ្វី.?

មិនតែប៉ុណ្ណោះក្រុមការងារមួយក្រុមដែលបានធ្លាក់មកពីលើមេឃ ដោយមានលោក សុខ ហេងសុម៉ាលី ជាអ្នកសម្របសម្រួល និងបានស្រែកតាមឃោសនៈសិបប្រកាសទទួលស្គាល់ក្រុមការងារថ្នាក់កណ្ដាលចុះជួយ ឃុំសំបុក ចែកក្រម៉ាដល់សមាជិកម្នាក់ក្រមា១ និងបានសន្យាធានាអះអាងថា នឹងស្នើសុំបង្កើតភូមិប៉ោភូមិ ទៅជាភូមិរដ្ឋបាល ស្នើសុំចេញប័ណ្ណកម្មសិទ្ធិជូនប្រជាពលរដ្ឋ និងធ្វើផ្លូវជូនប្រជាពលរដ្ឋ ខណៈទីតាំងដីខាងលើកន្លងមកអាជ្ញាធរឃុំ ស្រុក បានបញ្ជាក់ច្បាស់ហើយថា ទោះបីប្រជាពលរដ្ឋមានការ លក់ ទិញ ក៏អាជ្ញាធរមូលដ្ឋានមិនទាន់ហ៊ានចុះហត្ថលេខាបញ្ជាក់ទេ។

បើយោងតាមរបាយរបស់រដ្ឋបាលស្រុស្នូល លេខ.០១៦.រ.ប.ក.ចុះថ្ងៃទី១៤ ខែមីនា ឆ្នាំ២០២៤ សូមគោរពជូនឯកឧត្តមអភិបាលខេត្ត និងជាប្រធានគណៈបញ្ជាការឯកភាពខេត្តក្រចេះ រដ្ឋបាលស្រុកបានសន្និដ្ឋានថា ក្រុមការងារដែលធ្លាក់មកពីលើមេឃមកចំកណ្តាលភូមិត្រពាំងឈូក ឃុំឃ្សឹម ស្រុកស្នួល ខេត្តក្រចេះ និងរៀបចំកម្មវិធីនេះរដ្ឋបាលស្រុកពិនិត្យឃើញថា ក្រុមការងារមិនមានលិខិតរដ្ឋបាល ឬទំនាក់ទំនងជាមួយអាជ្ញាធរ និងមន្ត្រីបក្សនូវមូលដ្ឋាននោះទេ។

សូមបញ្ជាក់ថាក្រុមការងារដែលធ្លាក់មកពីលើមេឃមកចំកណ្តាលភូមិត្រពាំងឈូក ឃុំឃ្សឹម ស្រុកស្នួល ខេត្តក្រចេះ កាលពីថ្ងៃទី១៣ ខែមីនា ឆ្នាំ២០២៤ គឺចុះអនុវត្តថ្ងៃធ្វើការងាររដ្ឋ និងមានពាក់ឯកសណ្ឋានជាកងកម្លាំងផ្ទុយពីគោការណែនាំគណបក្ស  ដែលអាចនាំឱ្យសាធារណៈមតិ ឬជនអគតិយករូបភាពទៅវាយប្រហារនាំឲ្យប៉ះពាល់ដល់គណបក្សប្រជាជន។

 មិនចូលរួមសហការជាមួយអាជ្ញាធរមូលដ្ឋាន ទោះបីជាអាជ្ញាធរបានទំនាក់ទំនងដើម្បីជួប ពិភាក្សាណែនាំពីរដ្ឋបាល និងកិច្ចការគណបក្សក៏ដោយក៏បានឯកភាពថាមកជួប នៅព្រឹកថ្ងៃទី១៤ ខែមីនា ឆ្នាំ២០២៤ តែបែរជាមិនមកវិញ។

 ករណីខាងលើនេះតើក្រុមការងារដែលបានធ្លាក់មកពីលើមេឃ មកចំ ចំណុចផ្ទះលោក ភូង រ៉ា (ប្រជាពលរដ្ឋ) ភូមិត្រពាំងឈូក ឃុំឃ្សឹម ស្រុកស្នួល ខេត្តក្រចេះ តើធ្វើមានគោលបំណងដើម្បីអ្វីឲ្យពិតប្រាកដ​ ទេីប​ហ៊ាន​ធ្វើ​សកម្មភាព​បែបនេះ។

(សូមអានបន្ត)