នគរបាលចាប់ខ្លួនជនសង្ស័យសរុបចំនួន០៨នាក់ នៅខណ្ឌច្បារអំពៅ រាជធានីភ្នំពេញ ពាក់ព័ន្ធករណីគ្រឿងញៀន ក្រោយពលរដ្ឋរាយការណ៍តាម App Nodru&

{រាជធានីភ្នំពេញ}៖ នៅថ្ងៃទី០៨ ខែឧសភា ឆ្នាំ២០២៥ ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការ សហការនិងផ្តល់ព័ត៌មានដល់កម្លាំងស្នងការដ្ឋាននគរបាលរាជធានីភ្នំពេញ ដោយមានការដឹកនាំដោយលោកឧត្ដមសេនីយ៍ទោ គល់ យី ស្នងការរងទទួលផែនការងារប្រឆាំងគ្រឿងញៀន និងមានការសម្របសម្រួលនីតិវិធីពីឯកឧត្ដម ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ ក្រោយពីទទួលបានព័ត៌មាន កម្លាំងយើងបានចុះទៅដល់ទីតាំង និងធ្វើការស្រាវជ្រាវមុខសញ្ញាដែលប្រជាពលរដ្ឋរាយការណ៍ ខណ្ឌច្បារអំពៅ  រាជធានីភ្នំពេញ។

ជាលទ្ធផល ក្រោយពីធ្វើការស្រាវជ្រាវជាច្រើនសប្តាហ៍ មកដល់ថ្ងៃទី០៧ ខែឧសភា ឆ្នាំ២០២៥ កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ ដឹកនាំដោយបញ្ជាផ្ទាល់ដោយ លោកវរសេនីយ៍ឯក មៀច ឈួនស៊ីម៉ូលីន នាយការិយាល័យ និងមានការចូលរួមសហការជាមួយ កម្លាំងសមត្ថកិច្ច នៃអធិការដ្ឋាននគរបាលខណ្ឌច្បារអំពៅ បានធ្វើការស្រាវជ្រាវ និងកំណត់មុខសញ្ញាជាមេក្លោង(មានដីកា) រហូតឈានដល់ការបង្ក្រាបជាក់ស្តែងករណី “ដឹកជញ្ជូន និងរក្សាទុកដោយខុសច្បាប់នូវសារធាតុញៀន”។

ឃាត់ខ្លួនពិរុទ្ធជន ឈ្មោះ ម៉ូវ សុភា ហៅ អាស្រម៉ូវ ភេទប្រុស អាយុ៣៩ឆ្នាំ ជនជាតិខ្មែរ(មានដីកាបង្គាប់ឲ្យចាប់ខ្លួន)។

វត្ថុតាងដកហូតរួមមាន៖

១/ក្រាមពណ៌សថ្លា ជាគ្រឿងញៀន ចំនួន០៤កញ្ចប់ថង់។

២/ជញ្ជីងសម្រាប់ថ្លឹងគ្រឿងញៀន ចំនួន០១។

៣/ថង់សម្រាប់ច្រកគ្រឿងញៀនមួយចំនួន។

យោងតាមការស្រាវជ្រាវស៊ើបអង្កេតរបស់កម្លាំងសមត្ថកិច្ចជំនាញយើងក្តាប់បានមុខសញ្ញាចែកចាយ ជួញដូរនៅក្នុងមូលដ្ឋាន(ខណ្ឌច្បារអំពៅ) និងផ្អែកតាមចម្លើយសារភាពរបស់ពិរុទ្ធជនខាងលើ ព្រមទាំងមានការឯកភាពពី លោកព្រះរាជ្ញារង នៃអយ្យការអមសាលាដំបូងរាជធានីភ្នំពេញ កម្លាំងយើងបាននាំឈ្មោះ ម៉ូវ សុភា ហៅអាស្រម៉ូវ ទៅចង្អុលបង្ហាញទីតាំងបក្ខពួកលាក់ខ្លួន និងបានធ្វើការបង្ក្រាបជាក់ស្តែងករណី “ជួញដូរដោយខុសច្បាប់នូវសារធាតុញៀន និងកាន់កាប់អាវុធដោយគ្មានការអនុញ្ញាត” ព្រមទាំងបានធ្វើការឃាត់ខ្លួនជនសង្ស័យចំនួន០៧នាក់ បន្ថែមទៀត រួមមាន៖

១.ឈ្មោះ ផន រ៉ា ភេទប្រុស អាយុ៤១ឆ្នាំ ជនជាតិខ្មែរ។

២.ឈ្មោះ តូច សុភ័ក្ត្រ ភេទប្រុស អាយុ៣៩ឆ្នាំ ជនជាតិខ្មែរ។

៣.ឈ្មោះ មឿន និមល ភេទប្រុស អាយុ៤០ឆ្នាំ ជនជាតិខ្មែរ។

៤.ឈ្មោះ សោម វណ្ណេត ភេទប្រុស អាយុ៣១ឆ្នាំ ជនជាតិខ្មែរ។

៥.ឈ្មោះ អ៊ាន សំណាង ភេទប្រុស អាយុ៣៤ឆ្នាំ ជនជាតិខ្មែរ។

៦.ឈ្មោះ ផន ណាផា ភេទប្រុស អាយុ១៨ឆ្នាំ ជនជាតិខ្មែរ។

៧.ឈ្មោះ សួន សាឡាង ភេទប្រុស អាយុ៣៤ឆ្នាំ ជនជាតិខ្មែរ។

វត្ថុតាងដកហូតរួមមាន៖

១/ក្រាមពណ៌សថ្លាជាគ្រឿងញៀន ចំនួន០៨កញ្ចប់។

២/ជញ្ជីងសម្រាប់ថ្លឹងគ្រឿងញៀន ចំនួន០៣។

៣/ឧបករណ៍សម្រាប់ប្រើប្រាស់គ្រឿងញៀនមួយចំនួន។

៤/ថង់សម្រាប់ប្រើប្រាស់គ្រឿងញៀនមួយចំនួន។

៥/កាំភ្លើងកែច្នៃចំនួន០២ដើម។

៦/កាំបិត ចំនួន០៧ដើម។

៧/ដាវកែច្នៃ ចំនួន០៦ដើម និងពូថៅ ចំនួន០២ដើម។

៨/ដំបង ៣កំណាត់ ចំនួន០១។

បច្ចុប្បន្នជនសង្ស័យខាងលើ រួមនឹងវត្ថុតាងបញ្ជូនមកកាន់ការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ ដើម្បីធ្វើការសាកសួររកបក្ខពួក្ខដែលនៅសេសសល់ និងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ៕

(សូមអានបន្ត)

ថាល្បែងឆ្នោតឡូតូ ពេញរាជធានី ខេត្ត...ឥឡូវដល់រដូវកាលហើយ !ល្បែងសុីសងខុសច្បាប់ «ភ្នាល់ទឹកភ្លៀង» នៅចំកណ្តាលក្រុងភ្នំពេញ ឃើញថា ចាប់ផ្តើមបើកដំណើរលេងទៀតហើយ"

{រាជធានីភ្នំពេញ}៖ អ្នកញៀនល្បែងភ្នាល់ទឹកភ្លៀងនៅតាមតូបការហ្វេ ហាងគុយទាវ ម្តុំអូឬស្សី បាននិងកំពុងចាប់ផ្តើម ភ្នាល់លុយបណ្តើរៗហើយ ប៉ុន្តែអាជ្ញាធរនិងសមត្ថកិច្ចក្នុងមូលដ្ឋាន ហាក់ដូចរក្សាភាពស្ងៀមស្ងាត់ មិនធ្វើការទប់ស្កាត់ ឬ បង្ក្រាបសោះឡើយ ។

ប្រភពដដែលបានបន្តថា; ទីតាំងបនល្បែងសុីសងខុសច្បាប់ «ភ្នាល់ទឹកភ្លៀង» ស្ថិតនៅ សង្កាត់អូរឬស្សីទី២ ខណ្ឌ៧មករា រាជធានីភ្នំពេញ កំពុងបើកលេងយ៉ាងអនាធិបតេយ្យ នៅតាមតូបកាហ្វេ ហាងគុយទាវ លើដំបូលផ្ទះ ខ្ពស់ៗ និងនៅតាមដំបូលអាគារ ផងដែរ តែខាងអាជ្ញាធរ និងសមត្ថកិច្ចពាក់ព័ន្ឋនៅក្នុងមូលដ្ឋាន ហាក់ដូចជាស្រវ៉ាំងភ្នែក មើលមិនឃើញ សង្ស័យត្រូវថ្នាំសណ្តំអ្វីមួយហើយមើលទៅ? ទើបដើរបញ្រ្ចាសទិសផ្ទុយ ពីគោលនយោបាយ ភូមិ/ឃុំ មានសុវត្ថិភាព ទាំង៧ចំណុច របស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃ។

សូមរំលឹកថា: កាលពីថ្ងៃទី១៧ ខែកញ្ញា ឆ្នាំ២០២២ កន្លងផុតទៅនេះ អតីតនាយករដ្ឋមន្រ្តីនៃប្រទេសកម្ពុជា សម្តេចតេជោ ហ៊ុន សែន បានដាក់បទបញ្ជាឲ្យអភិបាលទាំង២៥ ខេត្ត/ក្រុង/រាជធានី, តម្រូវឲ្យបង្រ្កាបទីតាំងបនល្បែងស៊ីសង ខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង។

សម្តេចតេជោ បានបញ្ជាក់យ៉ាងដាច់ណាត់ទៀតថា: បើអាជ្ញាធរនិងសមត្ថកិច្ចក្នុងមូលដ្ឋាន ស្រុក/ក្រុង/ខេត្ត, ណាមិនហ៊ានក្នុងការទប់ស្កាត់ និងមិនបង្ក្រាបទីតាំងបនល្បែងស៊ីសងខុសច្បាប់គ្រប់ប្រភេទ នៅក្នុងមូលដ្ឋានរបស់ខ្លួននោះទេ! អាជ្ញាធរនិងសមត្ថកិច្ច ទាំងនោះនិងមានបញ្ហាប្រឈមនិងបាត់បង់ពីតំណែងទៀតផង។

ទាក់ទិនទៅនិងទីតាំងបនល្បែងសុីសងខុសច្បាប់ «ភ្នាល់ទឹកភ្លៀង» ស្ថិតនៅក្នុងមូលដ្ឋានខាងលើ ប្រជាពលរដ្ឋលើកឡើងថា: នេះជាបញ្ហាមួយដែលធ្វើឲ្យពួកគាត់មានការព្រួយបារម្ភជាខ្លាំងចំពោះសុវត្ថិភាពនៃការរស់នៅប្រចាំថ្ងៃ ណាមួយ ខ្លាចប្តីនិងកូនៗរបស់ពួកគាត់ ផុងខ្លួននិងល្បែងទាំងនោះ ជាហេតុធ្វើឲ្យកើតមាននូវបទល្មើសផ្សេងៗ ដូចជា: កើតមានអំពើចោរកម្ម និងហិង្សា នៅក្នុងគ្រួសារ ជាដើម.ល។

ប្រជាពលរដ្ឋក៏ដូចជា មហាជនទូទៅ សូមស្នើដល់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ជាពិសេស លោកឧត្តមសេនីយ៍ឯក ជួន ណារិន អគ្គស្នងការរង និងជាស្នងការនគរបាលរាជធានីភ្នំពេញ និងលោក ថេង សុថុល  ដែលជាអភិបាលខណ្ឌ៧មករា  គួរតែចាត់កម្លាំងជំនាញ ចុះត្រួតពិនិត្យ និងធ្វើការបង្ក្រាបទីតាំងបនល្បែងសុីសងខុសច្បាប់ «ភ្នាល់ទឹកភ្លៀង» ដែលស្ថិតក្នុងភូមិសាស្ត្រខាងលើនេះផងទាន, ដើម្បីធានាបាននូវគោលនយោបាយ ភូមិ/ឃុំ មានសុវត្ថិភាព ទាំង៧ចំណុច របស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃ ។

អង្គភាពយើងខ្ញុំធ្វើការផ្សព្វផ្សាយទៅតាមវិជ្ជាជីវៈអ្នកសារពត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ ៕

(សូមអានបន្ត)

ជនសង្ស័យចំនួន៣០នាក់ ត្រូវបានបង្ហាញមុខ ក្រោយនគរបាលរាជធានីភ្នំពេញស្រាវជ្រាវបង្ក្រាបរយៈពេល៣ថ្ងៃ

{ភ្នំពេញ}÷ ជនសង្ស័យចំនួន៣០នាក់រួមនឹងម៉ូតូរថយន្តជាច្រើនគ្រឿងព្រមទាំងវត្ថុតាងជាច្រើនទៀតនិងកាំភ្លើងខ្លី មួយដើម ត្រូវបានកម្លាំងនគរបាលជំនាញនៃស្នងការនគរបាលរាជធានីភ្នំពេញនិងនៅតាមបណ្ដាខណ្ឌនានាយកមកបង្ហាញមុខជាសាធារណៈកាលពីព្រឹកថ្ងៃទី០៨ខែឧសភាឆ្នាំ២០២៥ បន្ទាប់ពីស្រាវជ្រាវបង្ក្រាបបាន១១ករណីក្នុងរយៈពេល ៣ថ្ងៃ។ 

លោក ឧត្តមសេនីយ៍ត្រី ប៊ុត សត្យា ស្នងការរងទទួលផែនការងារព្រហ្មទណ្ឌ បានអោយដឹងថា ដោយទទួលបទបញ្ជាដ៍ម៉ឺងម៉ាត់ ពីលោក​ឧត្ដមសេនីយ៍​ឯក ជួន ណារិន្ទ អគ្គ​ស្នងការ​រងនគរបាលជាតិ និង​ជា​ស្នងការ​នគរបាល​រាជធានី​ភ្នំពេញ បានបញ្ជា អោយកម្លាំងជំនាញនគរបាលទូទាំងអធិការដ្ឋានខណ្ឌទាំង១៤ធ្វើការសហការ ស្រាវជ្រាវបង្ក្រាប  បង្ក្រាបបទល្មើសជាក់ស្តែងជាបន្តបន្ទាប់។ 

នៅក្នុងរយះពេល៣ថ្ងៃគិតពី ថ្ងៃទី០៦ ដល់ថ្ងៃទី០៨ ឧសភា ២០២៥ ជាលទ្ធផលបង្ក្រាប សរុប ១១ករណី ដោយឃាត់ខ្លួនជនសង្ស័យ ៣០នាក់ ។នៅក្នុងនោះជនសង្ស័យដែលមានសារធាតុញៀន ០៧នាក់ និងជាមុខសញ្ញាចាស់ ០១នាក់ ។ 

តាមនគរបាលបានឲ្យដឹងទៀតថា; នៅក្នុងចំណោមជនសង្ស័យទាំង៣០នាក់ ក្នុងនោះមានករណីហិង្សាដោយចេតនាមានស្ថានទម្ងន់ទោសចំនួន០៣ករណី ឃាត់ខ្លួន ១២នាក់ (ក្មេងទំនើងក្រុមឈ្មោះ ចិត្តតាន់ និងឈូកវ៉ា១ CV1),ករណីលួច ០៦ករណី ឃាត់ខ្លួន ០៨នាក់ (មានសារធាតុញៀន០៦នាក់),ករណីកាប់ប្លន់យកម៉ូតូ០១ករណី ឃាត់ខ្លួន ០៣នាក់ (មានសារធាតុញៀន០១នាក់)

និង,ករណីអំពីលក់-ដូរមនុស្ស, ចាប់ឃុំឃាំងនិងបង្ខាំងដោយខុសច្បាប់០១ករណី ឃាត់ខ្លួន ០៧នាក់។ 

តាមនគរបាលបានឱ្យដឹងទៀតថា;  នៅក្នុងចំណោមជនសង្ស័យចំនួនទាំង៣០ នាក់នៅក្នុងនោះនគរបាលការិយាល័យព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញបង្ក្រាបបានចំនួន ០៣ករណី ឃាត់ខ្លួន ១៦នាក់ ក្នុងនោះមាន៖ករណីហិង្សាដោយចេតនាមានស្ថានទម្ងន់ទោស (ក្មេងទំនើងក្រុមឈ្មោះ ចិត្តតាន់ និងឈូកវ៉ា១ CV1) ករណីលក់-ដូរមនុស្ស, ចាប់ឃុំឃាំង និង បង្ខាំងមនុស្សដោយខុសច្បាប់,កាប់ប្លន់យកម៉ូតូ ។នគរបាលខណ្ឌមានជ័យបង្ក្រាបបាន០២ករណី ឃាត់ខ្លួន ០២នាក់ (លួចទូរស័ព្ទដៃ និងលួចកាបូប),នគរបាលខណ្ឌសែនសុខបង្ក្រាបបាន០១ករណី ឃាត់ខ្លួន ០១នាក់ (លួចម៉ូតូ),នគរបាលខណ្ឌកំបូល បង្ក្រាបបាន០១ករណី ឃាត់ខ្លួន ០១នាក់ (លួចទូរស័ព្ទដៃ),នគរបាលខណ្ឌពោធិសែនជ័យបង្ក្រាបបាន០១ករណី ឃាត់ខ្លួន ០៤នាក់ ករណីហិង្សាដោយចេតនាមានស្ថានទម្ងន់ទោស,នគរបាលខណ្ឌចំការមនបង្ក្រាបបាន០១ករណី ឃាត់ខ្លួន ០២នាក់ ,នគរបាលខណ្ឌឬស្សីកែវបង្ក្រាបបាន

០១ករណី ឃាត់ខ្លួន ០២នាក់ (លួចទូរស័ព្ទដៃ) ,និងនគរបាលខណ្ឌដង្កោបង្ក្រាបបាន០១ករណី ឃាត់ខ្លួន ០២នាក់ ករណីហិង្សាដោយចេតនាមានស្ថានទម្ងន់ទោស។

ជនសង្ស័យទាំង ៣០នាក់ ត្រូវបានកម្លាំងនគរបាលជំនាញការិយាល័យព្រហ្មទណ្ឌកំរិតស្រាល និងនគរបាលនៅតាមបណ្ដាខណ្ឌទាំង៧ កសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញដើម្បីចាត់ការតាមច្បាប់ ៕

(សូមអានបន្ត)

លោកជំទាវបណ្ឌិតសភាចារ្យរដ្ឋមន្ត្រីទទួលជួបឯកឧត្តម Tull TRAISORAT ឯកអគ្គរាជទូតនៃព្រះរាជាណាចក្រថៃថ្មីប្រចាំកម្ពុជា

លោកជំទាវបណ្ឌិតសភាចារ្យរដ្ឋមន្ត្រីទទួលជួបឯកឧត្តម Tull TRAISORAT ឯកអគ្គរាជទូតនៃព្រះរាជាណាចក្រថៃថ្មីប្រចាំកម្ពុជា

នាព្រឹកថ្ងៃទី០៧ ខែឧសភា ឆ្នាំ២០២៥ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានទទួលជួបឯកឧត្តម Tull TRAISORAT ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រថៃថ្មីប្រចាំព្រះរាជាណាចក្រកម្ពុជាដើម្បីសម្តែងការគួរសម និងពិភាក្សាការងារលើវិស័យវប្បធម៌នៅទីស្តីការក្រសួងវប្បធម៌ និងវិចិត្រសិល្បៈ។ 

នៅក្នុងកិច្ចជំនួបនាឱកាសនេះលោកជំទាវបណ្ឌិតសភាចារ្យរដ្ឋមន្ត្រីក៏បានសម្តែងនូវការអបអរសាទរចំពោះឯកឧត្តមដែលបានទទួលភារកិច្ចជាឯកអគ្គរាជទូតថ្មីនៃព្រះរាជាណាចក្រថៃប្រចាំកម្ពុជា។

ភាគីទាំងពីរក៏បានលើកឡើងអំពី

កិច្ចសហការមួយចំនួនដែលមាននាពេលកន្លងមកហើយប្តេជ្ញាបន្តកិច្ចសហប្រតិបត្តិការថ្មីៗបន្ថែមទៀតនាពេលអនាគត៕

ប្រភព: ក្រសួងវប្បធម៌ និងវិចិត្រសិល្បះ

(សូមអានបន្ត)

ទណ្ឌិតចំនួន ២៩៦នាក់ ត្រូវបានបន្ធូរបន្ថយទោស ក្នុងឱកាសពិធីបុណ្យវិសាខបូជា ឆ្នាំ២០២៥

(ភ្នំពេញ)៖ លោក គឹម សន្តិភាព រដ្ឋលេខាធិការក្រសួងយុត្តិធម៌ បានបញ្ជាក់ឱ្យដឹងថា យោងតាមសេចក្តីក្រាបបង្គំទូលថ្វាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងឱកាសពិធីបុណ្យវិសាខបូជា ឆ្នាំ២០២៥នេះ ព្រះករុណាព្រះមហាក្សត្រនៃកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ទ្រង់សព្វព្រះរាជហឫទ័យប្រោសប្រទាន ការបន្ធូរបន្ថយទោសដល់ទណ្ឌិតចំនួន ២៩៦ នាក់ (ស្រី ២៨នាក់)។

ក្នុងចំណោមទណ្ឌិតចំនួន ២៩៦ នាក់ដែលត្រូវបន្ធូរបន្ថយទោសរួមមាន៖

* បន្ធូរបន្ថយទោស ៣ខែ ចំនួន ២០៧ នាក់ (ស្រី ១៨ នាក់)

* បន្ធូរបន្ថយទោស ៦ខែ ចំនួន ៧០ នាក់ (ស្រី ៥ នាក់)

* បន្ធូរបន្ថយទោស ៩ខែ ចំនួន ១៧ នាក់ (ស្រី ៣ នាក់)

* បន្ធូរបន្ថយទោស ១២ខែ ចំនួន ០២នាក់ (ស្រី ២ នាក់)។

លោក គឹម សន្តិភាព បញ្ជាក់ទៀតថា ជាមួយគ្នានេះ គណៈកម្មការជាតិក៏បានសម្រេចដាក់បញ្ចូលទណ្ឌិតចំនួន ៤រូប ចូលក្នុងបញ្ជីដែលមិនអាចទទួលបានការអនុគ្រោះទោស ដោយទុកឱ្យអនុវត្តទោសចប់ក្នុងពន្ធនាគារ ចំពោះករណីរំលោភកូនបង្កើត ចៅបង្កើត និងរំលោភក្មេងអាយុ ៦ឆ្នាំ និង១០ឆ្នាំ។

លោកបានបញ្ជាក់ជូនជាថ្មីថា គណៈកម្មការថ្នាក់ជាតិ ពុំលើកយកមកពិនិត្យពិចារណានោះឡើយ ចំពោះសំណើទាំងឡាយណាទាក់ទងនឹងទណ្ឌិត ដែលបានប្រព្រឹត្តអំពើដូចខាងក្រោម៖

១៖ ចំពោះបទល្មើសទូទៅ

* ឧក្រិដ្ឋជនគ្រឿងញៀន

* អំពើសាហាវយង់ឃ្នង

* ករណីមិនរាងចាល

* ប្រព្រឹត្តលើជនរងគ្រោះដែលជាសាច់ញាតិ ឬសហព័ទ្ធ

* ប្រព្រឹត្តលើជនរងគ្រោះជាមន្ត្រីរាជការ ឬមន្ត្រីសាធារណៈ

* ទណ្ឌិតធ្លាប់ទទួលបានការបន្ធូរបន្ថយទោសច្រើនដងលើសពី ១ភាគ៣នៃរយៈពេលផ្តន្ទាទោស។

២៖ ចំពោះបទល្មើសរំលោភផ្លូវភេទ

* ជនរងគ្រោះជាអនីតិជនអាយុក្រោម១៣ឆ្នាំ

* ជនរងគ្រោះជាជនមានវិបល្លាសស្មារតី ឬពិការ ឬមានផ្ទៃពោះ

* ជនរងគ្រោះជាសាច់សាលោហិត

* ករណីរំលោភបូក

* ករណីប៉ុនប៉ង ឬបៀតបៀនកេរខ្មាសលើជនរងគ្រោះជាសាច់សាលោហិត ៕

(សូមអានបន្ត)

អ៊ូអរយ៉ាងនេះ នាំគ្នាប្រមូលផ្ដុំលេងល្បែងមាន់ជល់តាមប្រព័ន្ធអនឡាញ កក្រើកពេញស្រុកសំពៅលូន.....

អ៊ូអរយ៉ាងនេះ នាំគ្នាប្រមូលផ្ដុំលេងល្បែងមាន់ជល់តាមប្រព័ន្ធអនឡាញ កក្រើកពេញស្រុកសំពៅលូន.....

{បាត់ដំបង} ÷ ទីតាំងល្បែងមាន់ជល់អនឡាញ២កន្លែង កំពុងលេងស្រែកហ៊ោកញ្រ្ជៀវផ្អើលអស់អ្នកភូមិ ក៏មានការភ័យខ្លាចនឹងក្រុមអ្នកញៀនល្បែងទាំងនោះ ហើយអាជ្ញាធរសមត្ថកិច្ចសឹងតែជាកូនជាមេ របស់មេឈ្មួញល្បែងដែលគេបានដាក់ថ្នាំសណ្តំឲ្យនៅស្ងៀម....

#មានទីតាំង÷
✍️.ទី១ ស្ថិតនៅ ភូមិត្រពាំងព្រលឹត ឃុំសន្តិភាព ស្រុកសំពៅលូន ខេត្តបាត់ដំបង ។

✍️.ទីតាំងទី២ ស្ថិតនៅ តារាងបាល់ជិតបុរីស្រីសុបិន ឃុំសន្តិភាព ស្រុកសំពៅលូន ខេត្តបាត់ដំបង ។

#បញ្ជាក់ : ទីតាំងទី១ គឺនៅជិតអធិការដ្ឋាននគរបាលស្រុកសំពៅលូន ប្រហែល៥០ម៉ែត្រ ពីអធិការដ្ឋាននគរបាលស្រុកសំពៅលូន ។

សង្ឃឹមថា!🤔អាជ្ញាធរនិងចុះត្រួតពិនិត្យនិងបង្ក្រាបផងទាន សូមអរគុណ ។

(សូមអានបន្ត)

👮កម្លាំងអាវុធហត្ថមែនទែន....!ចាប់ឃាត់ខ្លួន👮❌អាវុធហត្ថក្លែងក្លាយបន្លំជាសមត្ថកិច្ច....!

👮កម្លាំងអាវុធហត្ថមែនទែន....!ចាប់ឃាត់ខ្លួន👮❌អាវុធហត្ថក្លែងក្លាយបន្លំជាសមត្ថកិច្ច....!

==========

{បាកាន} ÷ កាលពីវេលាម៉ោង១២:១៥នាទី ថ្ងៃទី៣០.៤.២០២៥ កម្លាំងមូលដ្ឋាន អហ ស្រុកបាកាន ចំនួន៣នាក់ មធ្យោបាយម៉ូតូចំនួន ២គ្រឿង វិទ្យុទាក់ទងចំនួន ៣គ្រឿង ដឹកនាំដោយលោកវ.ត្រីហ៊ួន ហាំង មេបញ្ជាការមូលដ្ឋាន អហ ស្រុកបាកានសហការជាមួយកម្លាំង នគរបាលរដ្ឋបាលបឹងខ្នារចុះទៅចំណុចផ្ទះសំណាក់ យីហោ {សុខសាន្ត} ស្ថិតនៅភូមិខ្នាចរមាស ឃុំបឹងខ្នារ ស្រុកបាកាន ខេត្តពោធិសាត់ ធ្វេីការត្រួតពិនិត្យរដ្ឋបាលចំហ ។

+សកម្មភាពនិងលទ្ធផល÷

ឃាត់ខ្លួនជនសង្ស័យឈ្មោះ ស ចិត្រា ភេទប្រុស អាយុ៤៧ឆ្នាំរស់នៅភូមិកោះប្រាក់ ឃុំភូមិធំ ស្រុកគៀនស្វាយ ខេត្តកណ្តាល។

✍️.ពីបទ÷ប្រើប្រាស់ដោយខុសច្បាប់នៅឯកសណ្ឋានសំលៀកបំពាក់ជាអាទិ៍បស់អាជ្ញាធរសាធារណៈ(អ.ហ) និងប្រើប្រាស់ឯកសារក្លែង

សម្ភារៈចាប់យករួមមាន÷

១. ឯកសណ្ឋានអាវុធហត្ថ (អាវការងារដៃវែង) ០១សំរាប់

២.សក្តិ ថ្នាក់វរៈសេនីយ៍ទោ ០១គូរ

៣.សក្តិ កអាវដែក អ ហ ០១គូរ

៤.ស្លាកសញ្ញាអគ្គដែក ០១គូរ

៥.ស្លាកហនុមានដែក ០១ ៦.មេដាយ ថ្នាក់វរៈសេនីយ៏០១

៧.ទូរសព្ទដៃ ០៣គ្រឿង 

៨.អាយកូម 

១០.អាវយឺតពណ៌ខ្មៅដៃខ្លី ផ្លាក អ.ហ ចំនួន០១ 

១១.សាលា អ.ហជាក្រណាត់

១២.ម៉ូតូណៃហត់ពណ៌ខ្មៅមួយគ្រឿង បិទផ្លាក អ.ហ ពាក់ស្លាកលេខ ព្រៃវែង 1A.5785 

១៣.ឯកសារពាក់ពន្ធ័

✍️.បច្ចុប្បន្ន÷ជនសង្ស័យនិងវត្ថុតាងបញ្ជូនទៅការិយាល័យជំនាញកងរាជអាវុធហត្ថខេត្តពោធិ៍សាត់ ដេីម្បីចាត់ការតាមច្បាប់ ។

(សូមអានបន្ត)

ជនសង្ស័យដៃស្អិតសរុប៦នាក់ ឆក់ទូរស័ព្ទ ពលរដ្ឋនិងជនបរទេស ក្នុងរាជធានីភ្នំពេញ ៨ករណី ក្នុងចំណោមនោះក៏មាន២នាក់ដែលឆក់កាបូបជនបរទេសមិនបានសម្រេច នៅខណ្ឌចំការមន ត្រូវបានកម្លាំងសមត្ថកិច្ចស្រាវជ្រាវតាមចា.ប់ឃាត់ខ្លួនបាន ៦នាក់

{ភ្នំពេញ}​ ៖ អនុវត្តតាមបញ្ជាផ្ទាល់របស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ កម្លាំងជំនាញការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងជំនាញរបស់អធិការដ្ឋាននគរបាលខណ្ឌទួលគោក ស្រាវជ្រាវឃាត់ខ្លួនបន្តបន្ទាប់ជនសង្ស័យសរុប ចំនួន០៦នាក់ ពាក់ព័ន្ធប្រព្រឹត្តបទល្មើស ចំនួន០៨ករណី ៖

👉ករណីទី១  អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់ទូរសព្ទ័ដៃម៉ាកអាយហ្វូន១៣ប្រូម៉េក បណ្តាលឲ្យជនរងគ្រោះដួលម៉ូតូរងរបួស) ប្រព្រឹត្តនៅចំណុចមុខសាលាវេស្ទើនអន្តរជាតិ ផ្លូវលេខ៣១៥ សង្កាត់បឹងកក់១ ខណ្ឌទួលគោក រាជធានីភ្នំពេញ កាលពីថ្ងៃទី១៨ ខែមេសា ឆ្នាំ២០២៥ វេលាម៉ោង០៨:១០នាទី។

👉ករណីទី២  អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់ទូរសព្ទ័ដៃម៉ាកអាយហ្វូន ១៤ប្រូម៉េក ) ប្រព្រឹត្តនៅចំណុចមុខផ្សារTK សង្កាត់បឹងកក់១ ខណ្ឌទួលគោក រាជធានីភ្នំពេញ ។

👉ករណីទី៣  អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់ទូរសព្ទ័ដៃម៉ាកREALME ពណ៌ខ្មៅ ) ប្រព្រឹត្តនៅចំណុចផ្លូវលេខ៥២៨ សង្កាត់បឹងកក់១ ខណ្ឌទួលគោក រាជធានីភ្នំពេញ ។

👉ករណីទី៤  អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់ទូរសព្ទ័ដៃម៉ាកអាយហ្វូន ១២ប្រូម៉េក ) ប្រព្រឹត្តនៅចំណុចផ្លូវលេខ២៨៩ សង្កាត់ទឹកល្អក់១ ខណ្ឌទួលគោក រាជធានីភ្នំពេញ ។

👉ករណីទី៥  អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់ទូរសព្ទ័ដៃម៉ាកអាយហ្វូន ១៣ប្រូម៉េក ) ប្រព្រឹត្តនៅចំណុចមុខផ្សារTK សង្កាត់បឹងកក់១ ខណ្ឌទួលគោក រាជធានីភ្នំពេញ ។

👉ករណីទី៦  អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់ទូរសព្ទ័ដៃម៉ាកអាយហ្វូន ១៣) ប្រព្រឹត្តនៅចំណុចមុខស្តាតអូរឡាំពិក សង្កាត់វាលវង់ ខណ្ឌ៧មករា រាជធានីភ្នំពេញ  ។

👉ករណីទី៧  អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់កាបូប ជនបរទេស មិនបានសម្រេច) និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចមុខផ្ទះលេខ១១អា ផ្លូវលេខ២១ ក្រុម២៩ ភូមិ៥សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី២៦ ខែមេសា ឆ្នាំ២០២៥ វេលាម៉ោង ០៦ និង ៣១ នាទី(ស្រាលឃាត់បាន)

👉ករណីទី៨, អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា  (ឆក់ទូរស័ព្ទដៃ០១គ្រឿងម៉ាកអាយហ្វូន១៣ប្រូម៉េក) ប្រព្រឹត្តបទនៅចំណុចមុខផ្ទះលេខ០៥ ផ្លូវលេខ៥៩០ ក្រុមទី៦៤ ភូមិ១៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ កាលពីថ្ងៃទី២៤ ខែមេសា ឆ្នាំ២០២៥ វេលាម៉ោងប្រហែល០៦ និង៤៨នាទី ។

✍️.ជនសង្ស័យ÷

👉១-ឈ្មោះ ហេង សុនី ហៅ ធី ភេទប្រុស អាយុ២០ឆ្នាំ
👉២-ឈ្មោះ សារុន វីរៈ ភេទ ប្រុស អាយុ១៨ឆ្នាំ ជនជាតិ ខ្មែរ
👉៣-ឈ្មោះ អ៊ុំ ប៊ុនហ៊ាង ហៅ អាហ៊ាងតូច ភេទប្រុស អាយុ១៨ឆ្នាំ ជនជាតិខ្មែរ
👉៤-ឈ្មោះ ដា រ៉ា ភេទប្រុស អាយុ១៨ឆ្នាំ ជនជាតិខ្មែរ
👉៥-ឈ្មោះ កែវ  រ៉ាហ៊ាង ហៅ អាហ៊ាងធំ ភេទប្រុស អាយុ១៨ឆ្នាំ ជនជាតិខ្មែរ ៦-ឈ្មោះ បូរ ស័ក្កករុណា ហៅ ម៉ាប់ ភេទប្រុស អាយុ១៥ឆ្នាំ ជនជាតិខ្មែរ ។

#វត្ថុតាងចាប់យករួមមាន ៖ ម៉ូតូម៉ាក Honda C១២៥ ស៊េរី២០១៤ ឡើងតែម២០២២ ពណ៍ខ្មៅ ផ្លាកលេខភ្នំពេញ ១CS-៤៣៧៩ ។ ម៉ូតូម៉ាក Honda Scoopy ពណ៍ក្រហម ផ្លាកលេខភ្នំពេញ ១HX-២០៧៤ ។ ម៉ូតូ០១គ្រឿង ម៉ាក Honda C១២៥ស៊េរី២០២២ ពណ៍ខ្មៅ ផ្លាកលេខភ្នំពេញ ១DP-០៣២០ ។

✍️.បច្ចុប្បន្នជនសង្ស័យ និងវត្ថុតាងកំពុងកសាងសំណុំរឿងដើម្បីចាត់ការតាមនិតិវិធី ៕

(សូមអានបន្ត)